Shopping Cart
Now in your cart 0 items
`
Latest News from YehabeshaNews
Girmay Reda
Click here to get news by email whenever a new news/post posted by Girmay Reda
10/14/2010 07:18 AM



01/31/2010 11:58 PM
crated by Girmay Reda



Beauty of Mathematics !!!!!!!

1 x 8 + 1 = 9
12 x 8 + 2 = 98
123 x 8 + 3 = 987
1234 x 8 + 4 = 9876
12345 x 8 + 5 = 98765
123456 x 8 + 6 = 987654
1234567 x 8 + 7 = 9876543
12345678 x 8 + 8 = 98765432
123456789 x 8 + 9 = 987654321

1 x 9 + 2 = 11
12 x 9 + 3 = 111
123 x 9 + 4 = 1111
1234 x 9 + 5 = 11111
12345 x 9 + 6 = 111111
123456 x 9 + 7 = 1111111
1234567 x 9 + 8 = 11111111
12345678 x 9 + 9 = 111111111
123456789 x 9 +10= 1111111111

9 x 9 + 7 = 88
98 x 9 + 6 = 888
987 x 9 + 5 = 8888
9876 x 9 + 4 = 88888
98765 x 9 + 3 = 888888
987654 x 9 + 2 = 8888888
9876543 x 9 + 1 = 88888888
98765432 x 9 + 0 = 888888888

Brilliant, isn't it?

crated by Girmay Reda
And look at this symmetry:

1 x 1 = 1
11 x 11 = 121
111 x 111 = 12321
1111 x 1111 = 1234321
11111 x 11111 = 123454321
111111 x 111111 = 12345654321
1111111 x 1111111 = 1234567654321
11111111 x 11111111 = 123456787654321
111111111 x 111111111 = 12345678987654321
Now, take a look at this...
101%
From a strictly mathematical viewpoint:
What Equals 100%?
What does it mean to give MORE than 100%?
Ever wonder about those people who say they are giving more than 100%?
We have all been in situations where someone wants you to
GIVE OVER 100%.
How about ACHIEVING 101%?
What equals 100% in life?
Here's a little mathematical formula that might help
answer these questions:
If:
A B C D E F G H I J K L M N O P Q R S T U V W X Y Z
Is represented as:
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26.
If:
H-A-R-D-W-O- R- K

8+1+18+4+23+ 15+18+11 = 98%
And:
K-N-O-W-L-E- D-G-E

11+14+15+23+ 12+5+4+7+ 5 = 96%
But:
A-T-T-I-T-U- D-E

1+20+20+9+20+ 21+4+5 = 100%
THEN, look how far the love of God will take you:
L-O-V-E-O-F- G-O-D

12+15+22+5+15+ 6+7+15+4 = 101%
Therefore, one can conclude with mathematical certainty that:
While Hard Work and Knowledge will get you close, and Attitude will
get you there, It's the Love of God that will put you over the top!
It's up to you if you share this with your friends & loved ones just
the way I did..
Have a nice day & God bless!!



ከባራክ ኦባማ....

ሞቱን በሰማሁ ጊዜ አባቴ ለእኔ ተረት ሆነብኝ፡፡ ከሰው ያነሰም የበለጠም ተረት፡፡ በ1963 ከሃዋይ ስወጣ ገና የሁለት ዓመት ህፃን ነበርኩ፤ ስለዚህም እሱን የማውቀው እናቴና አያቶቼ በሚነግሩኝ ታሪኮች ውስጥ ነው፡፡


የራሴን ትዝታዎች መሰብሰብ በጀመርኩበት ዕድሜዬ ላይ እናቴ ከሌላ ሰው ጋር ግንኙነት ጀምራለች፡፡ ነጭና ጥቁር ፎቶዎቹ ለምን ርቀው እንደተቀመጡም ገብቶኛል፡፡ አንዳንዴ ፎቶዎቹ ላይ የሚያስቀውን ፊቱን፣ ግንባሩንና ከዕድሜው በላይ ሽማግሌ የሚያስመስለውን ወፍራም መነፅሩን እመለከታለሁ፤ የህይወት ጉዞው በአንድ ትረካ ተቋጥሮ ሲቀርብልኝም በፅሞና አዳምጣለሁ፡፡

አፍሪካዊ ነበር - አሌጐ በተባለ መንደር ከሉዎ ጐሳ የተገኘ ኬንያዊ፡፡ መንደሩ የደሃ መንደር ነበር፡፡ አባቱንና የእኔ አያት የሆኑት ሁሴን ኦንያንጐ ኦባማ ታዋቂ ገበሬ፣ የጐሳው ሽማግሌ እንዲሁም የመፈወስ ስልጣን የተሰጣቸው ባለመድሃኒት (ሐኪም) ነበሩ፡፡ አባቴ ያደገው የአባቱን ፍየሎች እየጠበቀ፣ ኋላም የእንግሊዝ ቅኝ አገዛዝ አስተዳደር ባቋቋመው ትምህርት ቤት እየተማረ ነው፡፡ የአባቴ እምቅ ብቃት የተስፋ ጭላንጭል ያሳየው እዚህ ትምህርት ቤት ነው፡፡ በኋላ ናይሮቢ መማር የሚያስችል የትምህርት ዕድል አግኝቷል፤ ቀጥሎ በኬንያ የነፃነት ዋዜማ በኬንያ መሪዎችና በአሜሪካውያን ስፖንሰሮች ተመርጦ፤ የምዕራባውያንን ቴክኖሎጂ ቀስመው አዲሲቱን አፍሪካ ለመመስረት ይረዳሉ ከተባሉ የአፍሪካ ልጆች አንዱ በመሆን ለትምህርት ወደ አሜሪካ ተላከ፡፡

በ1959፣ በሃያ ሦስት ዓመቱ የተቋሙ የመጀመሪያው አፍሪካዊ ተማሪ ሆኖ ሃዋይ ዩኒቨርሲቲ ደረሰ፡፡ ኢኮኖሚትሪክስ አጥንቶ በሦስተኛው ዓመት ከክፍል ጓደኞቹ አንደኛ ሆኖ ትምህርቱን አጠናቀቀ፡፡ ቁጥር ስፍር የሌላቸው ጓደኞች ነበሩት፤ ዓለም አቀፍ የተማሪዎች ማህበር እንዲመሰረት ከመርዳቱ በላይ የማህበሩ የመጀመያው ፕሬዚዳንትም ሆኗል፡፡ የሩሲያኛ ቋንቋ የሚማርበት ክፍል ውስጥ ከአንዲት የአሥራ ስምንት ዓመት ዓይናፋር አሜሪካዊት ልጃገረድ ጋር ተዋወቀ፤ ተፋቀሩ፡፡ የልጃገረዷ ቤተሰቦች መጀመሪያ ባይደሰቱም የኋላ ኋላ በጨዋታ አዋቂነቱና በምሁርነቱ ተረቱ፤ እናም ወጣቶቹ ጥንዶች ተጋቡ፤ እሷም ለስሙ መጠሪያ የሚሆን ወንድ ልጅ ወለደችለት፡፡ ይሄኔ ሃርቫርድ ዩኒቨርሲቲ ዶክትሬት ዲግሪውን የሚቀጥልበትን ዕድል አሸነፈ፤ ቤተሰቡን ወደዚያ የሚያዛውርበት ገንዘብ ስላልነበረው ግን መለያየት መጣ፤ እሱም ለአፍሪካ የገባውን ቃል ለመፈፀም ወደ አፍሪካ ተመለሰ፡፡ እናትና ልጅ ባሉበት ቀሩ፤ የፍቅር ትስስሩ ግን በርቀት ሳይገደብ ከረመ፡፡

(አደብቴ፣ የለውጥና የታላቅነት ምስጢር (ትርጉም"፣ 2001)


የአሜሪካ አገር ስራዎችና ስሞቻቸው፡፡
Today at 4:02am
የአሜሪካ አገር ስራዎችና ስሞቻቸው፡፡
አሜሪካ አገር ስራ ክቡር ነው፡፡ ስራ ክቡር ብቻ ሳይሆን ስራ ያስከብራል፡፡ በዲስከቨሪ ቻናል Discovery Channel ደርቲ ጆብ (Dirty Jobs) የሚለውን ብታዩ ደግሞ ሰወች ምን እንደሚሰሩ ማመን ያቅታል፡፡ የኢትዮጵያውያን የስራ ምርጫ ደግሞ አይጣል ነው፡፡ በቃ መስራት የምንፈልገው ስሙ ደስ የሚለውን ብቻ ነው፡፡ አንድ ሰው አሜሪካ ሲመጣ አንዳነድ ስራዎችን መስራት በቃ ቅር እያለው፣ እዬቀፈፈው ነው፡፡ ስሙ ብቻ ለሰሚ ደስ ስለማይል በቃ ትንሽ ፈራ ተባ እያለ እራሱን ዝቅ እያደረገ መስሎት ነው የሚሰራው፡፡ ግን ስራ ክቡር መሆኑን ሲያውቅ በራሱ ይስቃል፡፡ ለምሳሌ በአማርኛ ስማቸው ከበድ የሚሉት ስራዎች ውስጥ ጥቂቶች ዘበኛ፣ ጫኝና አውራጅ፣ ፅዳት፣ ተላላኪ፣ ልጅ ጠባቂ፣ ደላላ፣ እረኛ፣ ዳቦ ጋጋሪ፣ እስተናጋጅ፣ አልጋ እንጣፊ፣ ስሃን አጣቢ፣ ወጥ ቤት፣ ሊስትረሮ፣ ሱቅ በደረቴ፣ ቢራ ቀጂ፣ የእድር ጡርንባ ነፊ፣ እሬሳ ገኛዥ፣ ቁራሌ፣ ወያላ፣ ግንበኛ፣ አቃጣሪ፣ ልብስ አጣቢ፣ መኪና አጣቢ፣ ልኳንዳ ቤት፣ ሌላለም ልላም ስም ሰለምንሰጠው ትንሽ ከበድ ሲሉ ግን እስኪ እነዚህን ስራዎች በእንግሊዘኛ ስንጠራቸውን እንዴት አድርገው እንደሚጣፍጡ እንመልከት
ዘበኛ፣ Security officer, private guard
ጫኝና አውራጅ፣ Luggage handler, check in specialist,
ፅዳት፣ Maintenance,
ተላላኪ፣ Messenger፣ delivery
ልጅ ጠባቂ፣ Child Development assistant
ደላላ፣ Broker, professional adviser
እረኛ፣ Ranger
ዳቦ ጋጋሪ፣ Bakery
እስተናጋጅ፣ Customer services,
አልጋ እንጣፊ: House Keeping
ስሃን አጣቢ= dishwasher or busboy
ወጥ ቤት= cook sometimes chef
ሊስትረሮ= VIP services specialist
ሱቅ በደረቴ፣ Gift Shop
ቢራ ቀጂ፣ bartender, barrista
የእድር ጡርንባ ነፊ፣ Announcer
ወያላ= conductor
ቁራሌ = mobile maintenance
ግንበኛ = general contractor
ልብስ አጣቢ= dry cleaning
አቃጣሪ = dating service
መኪና አጣቢ፣ Detail service
ልኳንዳ ቤት፣ Meat Department Specialist

ይህንን እና ሌሞችንም ሰራዎች በአብነት መጥቀስ ይቻላል፡፡ እንደሚመስለኝ የአንዳንዶቻችን ችግር ከስሙ ስለሆን ስራውን በስራነቱ ካመንበት የትም ፍጪው ዱቄቱን አምጪው ነውና ምንም በሉት ምንም ዋናው ስራን ማክበር ሰለሆነ በስራችሁ ኩሩ፡፡
ለምሳሌ እኔ ድሮ ሳውቀው በቆሎ ጠብሰው የሚሸጡ ሰወች ነበሩ፣ ከዚህ አገር አንዳነድ በዕላት ላይ በቆሎ ተጠብሶ ሲሸጥ አያለሁ፣ ያውም አንዷን በቆሎ በ 5 ዶላር፡፡ አሁን ይህንን ስራ የሚሰራ አበሻ ምን እሰራለሁ በሎ ይናገራል፡፡ ይታያችሁ ስልክ ሲደውል እኔ በቆሎ እዬጠብስሁ እሸጣለሁ ቢል የቤተሰቡቹ መልስ፡፡ አይ አለማዎቅ..
በሉ ስራን አትናቁ፡፡ ስራ ክቡር ነው


01/31/2010 11:38 PM
በጠበል ከሆዷ ውስጥ ከስምንት በላይ ነፍሳት የወጡላት ወጣት

በይብረሁ ይጥና

በመጽሐፍ ቅዱስ ውስጥ በጠበል አማካኝነት ተአምራት የተደረገላቸው ብዙ የሰው ልጅ ታሪኮችን እናገኛለን፡፡ ከነዚህ መካከል አንዱ የሶርያው ንጉሥ ሠራዊት አለቃ የነበረው ንዕማን ለጌታው የቅርብ ሰውና የተከበረ ሲሆን ነገር ግን በለምጽ የተመታ ሰው ነበር፡፡

Emebate.JPGEmebate1.JPG

ወጣት እመቤት ሥራው ብዙ ወጣት እመቤት ጠበሉን ከጠጣች በኋላ

ከሆዷ ውስጥ ከወጡላት ነፍሳት አንደኛው

እግዚአብሔርም ሰው ኤልሳዕ «ሂድ በዮርዳኖስም ሰባት ጊዜ ታጠብ፣ ሥጋህም ይፈወሳል» አለው፡፡ «የእግዚአብሔር ሰው እንደተናገረው በዮርዳኖስ ሰባት ጊዜ ብቅ ጥልቅ አለ፤ ሥጋውም እንደገና እንደ ትንሽ ብላቴና ሥጋ ሆኖ ተመለሰ ንጹሕም ሆነ» ይላል /2ነገ.5-14/፡፡ እንደዚሁም ለአሥራ ሁለት ዓመት ያህል ያለ ማቋረጥ ደም ይፈሳት የነበረችውን ሴት እግዚአብሔር እንዳነፃት በማቴዎስ ወንጌል 10-20 ላይ እንመለከታለን፡፡ ይህም የልብሱን ጫፍ ነክቼ «እድናለሁ» አለች፡፡ ኢየሱስም «ልጄ ሆይ አይዞሽ እምነትሽ አድኖሻል» አላት፡፡ ሴቲቱም ከዚያች ሰዓት ጀምራ ዳነች ይላል፡፡

ልክ እንደዚህ መጽሐፍ ቅዱሳዊ ታሪክ ሁሉ የእግዚአብሔር ድንቅ ተአምራት የተደረገላቸውና በጠበል የተፈወሱ ሰዎች ብዙዎች ናቸው፡፡ በዛሬም ጽሑፋችን የምንመለከተው በእግዚአብሔር ቸርነት በጠበል ተፈውሳ ከሆዷ ውስጥ ከስምንት ዓይነት በላይ ነፍሳት የወጡላትን ወጣት ይሆናል፡፡
እባብ፣ አይጥ፣ እንቁራሪት፣ እንሽላሊት፣ ሸረሪት፣ ኣባ ጨጓሬ፣ ቀንድ አውጣ፣ አልቅት፣ ጢንዚዛና ሌሎችም ምንነታቸው የማይታወቁ ነፍሳት ከሰው ልጅ ሆድ ውስጥ ወጡ ቢባል ማን ያምን ይሆን? ተሸካሚውስ ሰው እንዴት በሕይወት ሊቆይ ይችላል? የሚሉትን ሁሉ እንደ ሰው ሰውኛ ስናስብ ፈጽሞ ሊታመን የማይችል ነገር ነው፡፡ ምክንያቱ ደግሞ ሁኔታው /ድርጊቱ/ ከሰው ሕሊና ውጪ በመሆኑ ማንም ሰው በቀላሉ ሊቀበለው ስለማይችል ነው፡፡

ነገር ግን ለእግዚአብሔር የሚሳነው ነገር የለምና እውነት ሆኖ ተገኘ፡፡ የወጣቷ ቤተሰቦች፣ ጎረቤትና አጥማቂዎች በዐይናቸው አይተው አረጋግጠዋል፡፡ እኛ እግዚአብሔር በኪነ ጥበቡ ድንቅ ተአምሩን ያደረገላትን ጨምሮ እሷን ሲያስታምሙ፣ ሲያስጠምቁ የነበሩ ቤተሰቦችና ጎረቤት እንዲሁም ሲያጠምቋት የነበሩ አባቶችን በማነጋገር እንደሚከተለው አቅርበነዋል፡፡ በቅድሚያ ግን ከባለጉዳዩ የሚበልጥ የለምና በጠበል የተፈወሰችውን ወጣት እናስቀድማለን፡፡

ወጣቷ እመቤት ሥራው ብዙ ትባላለች፡፡ ተወልዳ ያደገችው በምሥራቅ ጎጃም ብቸና ከተማ ውስጥ ነው፡፡ ቤተሰቦቿ የሚተዳደሩት በግብርና ሥራ በመሆኑ የተሻለ ሥራ ለመፈለግ ወደ አዲስ አበባ በመምጣት በቤት ሠራተኝነት ተቀጥራ ታገለግላለች፡፡ ከምትሠራባቸውም ቦታዎች አንዱ በአዲስ አበባ ከተማ ቦሌ ቡልቡላ የሚገኘው የወ/ት ወይንሸት ወልደ ሰንበት ቤት ነው፡፡ እኛም ያነጋገርናት ወደዚሁ ቤት ሄደን ነው፡፡ ምክንያቱም አንደኛ እግዚአብሔር ያደረገላትን ድንቅ ተአምር ለምእመናን ለማሳወቅ ሲሆን ሁለተኛ በአሁኑ ዘመን አንዳንድ ሰዎች ለቤት ሠራተኞቻቸው ልዩ ትኩረት በማይሰጡበት ሰዓት እሷን ግን አሠሪዎቿ እንደ ልጃቸው አድርገው እስከ መጨረሻው ድረስ በማስታመም አድነው እያስተማሯት መሆኑንም ጭምር ለማሳየት ነው፡፡ ይህ ደግሞ እግዚአብሔር የሚያዘውንና መደረግ የሚገባውን መልካም ሥራ እየሠሩ መሆኑን ለሌላው ያስተምራል ብለን ስለ አሰብን ነው፡፡

ለወጣት እመቤት ሥራው ብዙ በቅድሚያ ያነሣንላት ጥያቄ ሕመሙ የጀመረሽ መቼና እንዴት ነው? የሚል ነበር፤ እንዲህ ስትል መልሳለች፡፡ «ሕመሙ የጀመረኝ ገና የሰባት ዓመት ልጅ እያለሁ ሲሆን ከዚያን ጊዜ ጀምሮ አሁን ድረስ የማያቋርጥ ከፍተኛ የራስ ምታት ያመኝ ነበር፡፡ ይበልጥ የባሰብኝ ግን በ2001 ዓ.ም በየካቲት ወር መጨረሻ ሲሆን ለአራት ወር ያህል በተከታታይ ሐኪም ቤት ስመላለስ የማኅጸን ዕጢ ነው አሉኝ፡፡ እንዲሁም እግሬ ደህና ነበር እሱንም አመመኝ፡፡ ውስጡን እየቆረጠመ ያስነክሰኛል፡፡ ከሁሉ የባሰብኝ ሕመም ማኅፀኔን ስለነበር ብዙ ጊዜ አመላልሶኛል፡፡ በሐኪሞች በማኅፀኔ ውስጥ ዕጢ ነው ተብሎ ኦፕሬሽን ትሆኛለሽ አሉኝ፤ በተባለው ጊዜ ሄጄ ስታይ «ኢንፌክሽን /Infection/ ሆኖ ከፍተኛ ደም ስለፈሰሰ አሁን ኦፕሬሽን መሆን አትችይም» ተባልኩ፡፡ በዚያ ፈንታ ሰባት መርፌ ታዞልኝ ሕክምናውን ተከታትየ ነበር አለች፡፡

እመቤት የታዘዘላትን ሰባት መርፌ ተከታትላ ብትወጋውም ሕመሙ ሳምንት ሳይቆይ ተነሣባት፡፡ እንደቀድሞው ደም መፍሰስ ጀመረ፡፡ «ከዚህ በኋላ ቃልቲ አካባቢ አዲስ የተሠራችው ቁስቋም ጠበል ሄድኩ፡፡ ትላለች እመቤት፤ «እዚያም ሄጄ ለዐሥር ቀን ያህል ደም ከፈሰሰ በኋላ ሲቆምልኝ ጠበል መጠመቅና መጠጣት ጀመርኩ፡፡ ወደ ጠበል ቦታው የሄድኩት ግንቦት 1 ቀን 2001 ዓ.ም ሲሆን ለአንድ ወር ያህል ስጠመቅ ሁለት እንቁራሪት በትውከት ወጣልኝ፡፡ ከዚህ በኋላ ዳንኩ፤ ሌላ ችግር አይገጥመኝም ብዬ ወደ ምሠራበት ቤት ተመልሼ መጣሁ» በማለት ታሪኳን ትቀጥላለች፡፡

እመቤት ከሕመሜ ድኛለሁ ብላ ወደ ቤቷ ከመጣች በኋላ እንደገና አመመኝ አለችን፡፡ ደግሞ ሌላ ምን ነገር ገጥሟት ይሆን? መልሷን ለመስማት ቸኮልን፡፡ የነገረችን ነገር እጅግ በጣም የሚከብድና የሚዘገንን ነገር ነው፡፡ በራሷ አንደበት እንዲህ ትገልጸዋለች፡፡ «እንደገና አመመኝና ሐምሌ 5 ቀን ለ6 የቁስቋም ዋዜማ 2001 ዓ.ም ወ/ት ወይንሸት በታክሲ ወደ ጠበሉ ወሰደችኝ፡፡ ጠበሉን ጠጣሁ፤ ተጠመቅሁ ልክ የቁስቋም በዓል ዕለት ሁለት እባብ ከሆዴ ወጣልኝ፡፡ ለአራት ቀን ሙሉ ጉሮሮዬን አንቆ ይዞ ያስጨንቀኝ ነበር፡፡ እንቅልፍ የሚባል አላይም፤ ሲወጣልኝ ራሴን አላመንኩም፡፡ በድንጋጤ ራሴን አላውቅም ነበር፡፡ አንዱ በትውከት መልክ ሲወጣ ሁለተኛው እንደ ልጅ በማኅፀኔ ወጣ፡፡ ሁለቱም ነፍስ አላቸው፡፡ የወጡልኝ አውላላ ሜዳ ላይ በመሆኑ ከብት የሚጠብቁት ሊገድሉት ሲሯሯጡ በድንጋይና በድንጋይ መሐል ገብቶ አመለጣቸው፡፡ አሁንም ፈተናዬን ጨረስኩ ብዬ ወደ ቤቴ ተመለስኩ፤ ብዙም አልተሻለኝም፡፡ መጨረሻውን ማየት አለብኝ ብዬ በድጋሚ ወደ ጠበሉ ሄጄ ስጠመቅ ሐምሌ 19 ቀን የቅዱስ ገብርኤል ዕለት ሁለት ትናንሽ እባቦች ወጡልኝ፡፡ ጠበሉን ተጠምቄ ከወጣሁ በኋላ ነው ሁለቱም በትውከት ከሆዴ የወጡልኝ፡፡ ሊጠመቁ የመጡና አጥማቂዎች ያዩት ሲሆን ቤተሰቦችሽ ማየት አለባቸው ብለውኝ በዕቃ አድርጌ ወደ ቤት በማምጣት ጎረቤት ሳይቀር አይተውታል» ስትል የእግዚአብሔርን ድንቅ ሥራ ተናግራለች፡፡

በአጠቃላይ በቃልቲ ቁስቋም ለሁለት ወር ያህል እየተጠመቀች ቆይታ ከሁለት ወር በኋላ ግን በዚያው መቀጠል አልቻለችም፡፡ ምክንያቱም ደግሞ በመሐል «የአተት /የአጣዳፊ ተቅማጥና ትውከት/ በሽታ ገብቷል» ተብሎ ጠበሉ ሲዘጋ ቦሌ ቡልቡላ መድኃኔዓለምና አባ ሳሙኤል ጠበል መጀመሯን አስረድታለች፡፡ በዚያም ስትጠመቅ በየቀኑ ብዛት ያላቸው አባ ጨጓሬ እንደወጡላት ታስረዳለች፡፡ «የሚወጣልኝ ነገር ሁሉ አላልቅ ብሎ ከእኔም አልፎ ያለሁባቸውን ሰዎች እያስደነቀ መጨረሻውን ይናፍቁ ነበር፡፡ ቶሎ ቢያልቅልኝ ብዬ በአቅራቢያው እዚያው ቦሌ ቡልቡላ በሚገኘው የተክለ ሃይማኖትና የእመቤታችን ጠበል ጀመርኩ፡፡ ይህ ቦታ ቅርሶች በቅርብ ጊዜ የተገኘበትና ጠበል የፈለቀበት ነው፡፡ በዚህ ቦታ ምንነቱን የማላውቀው ነገር ወጣልኝ፡፡ ትልልቅና መልኩ ጥቁር ሲሆን የወጣልኝ ደግሞ ወደ ገደል አካባቢ አስሩጦ ከወሰደኝ በኋላ ነው፡፡ በዚያን ዕለት በተጨማሪ እንሽላሊትና ሁለት የቄብ ዶሮ እንቁላል የሚያክል ከድፍርስ ውኃ ጋር ተቀላቅሎ ወጣልኝ፡፡ እግዚአብሔር የተመሰገነ ይሁን፤ አሁን ሙሉ ጤነኛ ነኝ፡፡ ራስ ምታቱም ሆነ ደም መፍሰሱ ቆሞልኛል» አለችን፡፡

ወጣት እመቤት ሥራውብዙ ንግግሯን ብትጨርስም የሕመሙ መነሻ ምን እንደነበር ጠየቅናት፡፡ «እኔ በመጀመሪያ ቃሊቲ ቁስቋም ጠበል ስጀምር አጋንንት፣ መተትና ቡዳ ነኝ ብሎ እንደጮኸ አስታማሚዎች ነግረውኛል፡፡ ከዚህ ውጭ ምንም የማውቀው ነገር የለም፡፡ የአስታመሙኝ ሰዎች ሁኔታውን ስለሚያውቁ እነሱን መጠየቅ ይቻላል፡፡ እኔን ግን እግዚአብሔር አድኖኛል፤ አመሰግነዋለሁ፡፡

በመቀጠል ለታመመ ሰው አስታማሚ ያስፈልጋልና ያስታመሙኝን አሠሪዎቼን አመስግኑልኝ፡፡ ከዚህ በፊት በስምዐ ጽድቅ ጋዜጣ ወፍ የወጣላት እኅት አለች የሚለውን ወሬ ስሰማ ከዚህ የባሰ የእኔን ቢሰሙ ምን ሊሉ ነው? ብዬ የእግዚአብሔርን ቸርነት ሰው እንዲያውቀውና አስታማሚዎቼን እንድታመሰግኑልኝ በማሰብ ነው፡፡ አሠሪዎቼ ቤት እየዘጉና እየከፈቱ ምግብ አመላልሰው አስታመውኛል፡፡ ሌላ ሰው ሳይቀጥሩና የእኔን ሥራ እየሠሩ ሲያስታምሙ ማንም ዘመድ የማያደርገውን ሥራ ሠርተዋል» ብላ ከልቧ አለቀሰች፡፡ ቃላት ቢያጥራት በዕንባዋ ጭምር ከልብ የመነጨ ምስጋናዋን ገለጸች፡፡ እሷን አጽናንተን በቀጥታ ጥያቄያችንን ያስከተልነው አስታመውኛል ወደአለቻቸው አሠሪዎቿ ነው፡፡

ወ/ሪት ወይንሸት ወልደ ሰንበት ይባላሉ፡፡ የእመቤት አሠሪ ሲሆኑ በንግድ ሥራ ላይ የተሰማሩ ናቸው፡፡ ወ/ሪት ወይንሸትን ስለእመቤት ሥራው ብዙ ምን የሚነግሩን ነገር አለ? አልናቸው፡፡ እሳቸውም «እመቤት ወደእኔ የመጣችው የዛሬ ዓመት ነው፤ እኔ ቤት ከገባችበት ጊዜ ጀምሮ ለአራት ወር ያህል ብቻ ነው በሰላም /በጤና/ የኖረችው፡፡ ከባድ የራስ ምታት ነበረባት፡፡ በዚህ የተነሣ የሠራችበትን ይዛ በመሄድ ትታከማለች፡፡ ለሁለት ቀን ያህል ደህና ሆና እንደገና ይመለስባታል፡፡ በመጨረሻ ደህና ሐኪም ቤት ሂጂና ታከሚ ብዬ ከዘመድ ጋር አያይዤ ላክኋት፡፡ ሄዳ ስትመረመር የማኅፀን ዕጢ ነው አሏት፡፡ ኦፕሬሽን ለማድረግ ቀነ ቀጠሮ ሰጥተዋት በተባለው ጊዜ ሲታይ «ዕጢው ማሙቶ ብዙ ደም ፈሷልና አደጋ አለው» ብለው ወደ ካንሰር እንደተቀየረ ነገሯት፡፡ ማስታገሻ ብለው እያንዳንዱ አንድ መቶ ሰባ ብር የሚገዛ ሰባት መርፌ አዘዙላት፡፡ መርፌውንም ተወግታ መዳን አልቻለችም፤ በመጨረሻ ተስፋ ቆርጣ «በቃ ወደ ሀገሬ ላኪኝ፤ ዶክተሩ ካንሰር ነው ሲል ስለ ሰማሁት ካንሰር ደግሞ ይገድላልና አልድንም ልሂድ፤» አለችኝ» ነበር ያሉት፡፡

እመቤት የመዳኗ ተስፋ ተሟጦ ወደ ሀገሬ ልሂድ ብትልም ወ/ሪት ወይንሸት ግን ሌላ መፍትሔ ከመሻት በቀር ወደ አገሯ ለመላክ ፈቃደኛ አልሆኑም፡፡ እንዲህ ነበር ያሏት፤ «ወደ ሀገርሽ ከመሄድሽ በፊት ለሰባት ቀን ጻድቃኔ ማርያም ሄደሽ ጠበል ትጠመቂያለሽ» እያሏት ሳለ በአጋጣሚ አዲስ አበባ ቃልቲ ቁስቋም ጠበል መጀመሩን ሰምተው ወደዚያው ወስደዋት ሁለት ወር እንደተጠመቀች አመልክተዋል፡፡ «ሁለት ወር ስትጠመቅ የማይወጣ ነገር የለም፡፡ ሁሉንም እንኳን መጥቀስ ባልችል ሁለት እባብ፣ እንቁራሪት፣ ሁለት ሸረሪት፣ አባ ጨጓሬ ሌላ ደግሞ አባ ጨጓሬ አይሉት ረጅም ነገር ወጥቶላታል፡፡ የሚወጡት ደግሞ ከነ ሕይወታቸው ሆኖ ትንሽ ሲቆዩ ይሞታሉ፡፡ የሚገርመው ነገር ቃሊቲ ቁስቋም፣ አባ ሳሙኤልና ተክለ ሃይማኖትም ስትጠመቅ ወጥቶላታል፡፡ በተለይ የቁስቋም፣ የኪዳነ ምሕረት፣ የገብርኤልና በሃያ አንድ የእመቤታችን በዓል ዕለት የሆነ ነገር ከሆዷ ሳይወጣ አይውልም፡፡ ሲወጣ ደግሞ በቀላሉ አይወጣም ጉሮሮዋን አስጨንቆና አታግሎ ነው፡፡ ሌላው ቀርቶ እቤት ጠበል አምጥታ ሞቅ ሲል ትጠጣና ወዲያው ይወጣል፤ የሚወጣው ነገር እንዳይታይ መጸዳጃ ቤት ቶሎ ሄዳ ታስወጣዋለች፡፡ አንድ ጊዜ እኛ ተሰብስበን በጓሮ በኩል ትጮሃለች፤ ምንድን ነው? ብለን ስንወጣ ትልቅ አይጥ በአፏ ሲወጣ ጅራቱ ብቻ ቀርቶ ያሠቃያታል፡፡ እኔ አላይም! ብዬ ደንግጬ ልትሞትብኝ ነው በሚል ፍርሃት ጎረቤቴን ስልክ ደውዬ ድረስልኝ አልኩት፤ እሱ መጥቶ በዕቃ አድርጎ ለሦስት ቀን ያህል አስቀመጠው፡፡ መጥፎ ጠረን ሲያመጣና እሷም አታሳዩኝ ስትል አውጥቶ ጣለው፡፡ ከዚያ በፊት ሁለት እባብ ይዛ አምጥታ አሳይታናለች፡፡ በጆሮዋና በአፍንጫዋ ሳይቀር ሙልጭ ሙልጭ የሚል አልቅት ሲወጣ አይቻለሁ፡፡ በመጨረሻ ጥቅምት 30 ቀን 2002 ዓ.ም ሁለት እንቁላል ሁለት ሸረሪት ወጣላት፡፡ ይህ እንግዲህ መርዙን ነቅሎ ሲወጣ ነው» ሲሉ ድርጊቱን በአግራሞት ተርከውታል፡፡

ወ/ሪት ወይንሸት እንደገለጹት የሚወጡት ነፍሳት አቅሟን ስለሚያደክሙት ምንም ዓይነት ምግብ እንደማትወስድ ተናግረዋል፡፡ «በአፍ የምትመጠጥ ግሉኮስ እየገዛሁ ነበር የምትወስደው እንጂ ምግብ የሚባል ገና ሲሸታት አታሳዩኝ ትላለች፡፡ የተባበሩት ነፍሳት በሆዷ ውስጥ ጎጆ ሠርተው ደሟን እየመጠጧት ኖረው ነበር» በማለት ተናግረዋል፡፡

እመቤትን ያማት የነበረው በሽታ መነሻ ምን እንደሆነ የሚያውቁት /የሰሙት/ ነገር ይኖር ይሆን ማለታችን አልቀረም፡፡ ወ/ሪት ወይንሸት መልስ አላቸው፡፡ «አጀማመሩን በተመለከተ ጠበል ቦታ ለፍልፋለች፡፡ ትውልድ ሀገሯ ነው፤ መነሻውን፤ /ድርጊቱን/ ስሰማው የተቀናበረ ነገር ነው፡፡ ስለ መዳኗ እንጂ ሌላውን ብንተወው መልካም ነው» ብለዋል፡፡

ሌላው ያነጋገርነው የወ/ሪት ወይንሸትን ወንድም አቶ ብንያም ወልደ ሰንበትን ነው፡፡ እሱም ያየውንና የተገነዘበውን እንዲህ ገልጾታል፡፡ «እኔ የምናገረው ያየሁትን ሲሆን በወሬ ደረጃ የሚታመን አይደለም፡፡ እኔ እንዳውም ይሄ ምን ተብሎ ይነገራል፤ ዋናው መዳኗ ነው ብዬ ነበር፡፡ እመቤት ግን «እግዚአብሔር ያደረገልኝን ቸርነት ድንቅ ተአምሩን ሰው እንዲያውቅልኝ መመስከር አለብህ» ብላ ስለጠየቀችኝ ነው፡፡ ስለወጣላት ነገር ብዙ ተብሏል፤ እኔ ለመጨመር የምፈልገው ያልተጠቀሰውን ሲሆን ሌሎች የወጡላት እንዳሉ ሆነው ቀንድ አውጣና የኩሬ ውኃ የሚመስል ወጥቶላታል፡፡ እንደዚሁም የአባ ሳሙኤል ንግሥ ዕለት እምነት ይዘንላት መጥተን እሱን ወስዳ ጢንዚዛና ደም አይሉት ውኃ የእንቁላል አስኳል የሚመስል ነገር ወጥቶላታል፡፡ ነገሩ ከአእምሮ በላይ ነው፡፡ በሰው ሆድ ውስጥ ይህ ሁሉ ይቻላል? የሚለውን ሳስብ ይከብደኛል፡፡ ጠበል ምን ያህል ኃይል እንዳለው ያየሁትም በዚህች ልጅ ላይ ነው፡፡ እኔ ከዚህ በፊት ለጠበል የጠበቀ ዕውቀት የለኝም፤ በጠበል ሰው ተፈወሰ ሲባል ትኩረት አልሰጥም ነበር፡፡ አሁን ግን በማየቴ ለሌላውም እየመሰከርኩ ነው፡፡ የእሷን መዳን ሳይ እንደገና የመፈጠር ያህል ነው የምቆጥረው» በማለት አቶ ቢንያም አስተያየቱን ሰጥቷል፡፡

ወጣት እመቤት ሥራው ብዙንና አሠሪዎቿን ካነጋገርን በኋላ «ማን ያርዳ የቀበረ፤ ማን ይናገር የነበረ» እንዲሉ ያመራነው ወደ አቶ ንጉሤ ዐምደማርያም ቤት ነው፡፡ እሳቸውም የተገነዘቡትን በእንዲህ መልኩ ነበር የገለጹት፡፡ «እመቤት ሲያማት እየተጠራሁ እመጣለሁ፤ ከእመቤት ሆድ ብዙ ነገር ይወጣል፡፡ ለምሳሌ አይጥ ሲወጣላት በተግባር አይቻለሁ፤ አንስቼም በዕቃ ያስቀመጥኩት እኔ ነኝ፡፡ የተጨቀጨቀ ግራዋ የሚመስል ነገር ሲወጣም አይቼያለሁ፡፡ ብዙ ጊዜ ያማታል፤ መድኃኒት ግዛላት በሚሉኝ ጊዜም የምገዛላት እኔ ነበርኩ፡፡ በተለይ በአፍ የሚመጠጠውን ግሉኮስ የምገዛላት እኔ ነኝ፡፡ እናም ልነግርህ የምፈልገው እኔ ክርስቲያን ነኝ፤ ቤተ ክርስቲያን ሄጄ ሰው ተፈወሰ ሲባል ከምሰማው ውጭ በዐይኔ አላየሁም ነበር፡፡ አሁን ግን በዐይኔ ስላየሁ ከሰው ሆድ ውስጥ አንድ ነገር አይደለም መቶ ነገር ወጣለት ቢሉኝ አምናለሁ፡፡ ሰው ደግሞ ሲነገረው ማመንና መቀበል አለበት፡፡ የእግዚአብሔርን ድንቅ ሥራ ቸርነቱ የጠበልን ኃይል እንደሚገልጥ መታመን አለበት፡፡ የእግዚአብሔርን ኃይልና ተአምሩን ደግሞ ሳይደበቅ መነገር፤ መመስከር እንዳለበት እምነታችን ግድ ይላል» ሲሉ አስረግጠው ተናግረዋል፡፡

እመቤትን ጠበል ካጠመቋት አባቶች መካከል በፍኖተ ሕይወት ቅድስት ማርያምና ተክለ ሃይማኖት ቤተ ክርስቲያን ቦሌ ቡልቡላ የሚያጠምቁት አባ ገብረ ጻድቅ ክፍለ ዮሐንስ እና በአባ ሳሙኤል ቤተ ክርስቲያን አባ ወልደ ማርያም ኅብስቴ ምን ይላሉ? ብለን ጠይቀናቸው ነበር፡፡ እነሱም «በእኅታችን ላይ የታየው የእግዚአብሔር ተአምር በሰው ሰውኛ ስንመለከተው ይከብዳል፡፡ ነገር ግን መጽሐፉ እንደተናገረው ለሰው የማይቻለው ለእግዚአብሔር ይቻለዋል፤ ስለሚል እውነት ሆነ፡፡ ከሰው ሆድ እባብ፣ አይጥ፣ እንቁራሪትና ሌሎች ነገሮች ወጡ ሲባል ግን ለሰው ሕሊና በጣም ከባድ ነው፡፡ ሰው እነዚህን ሁሉ ተሸክሞ ይሄዳል ወይ? የሚለውን ስናስብ መንፈሳዊ ሕሊና ካልሆነ በቀር ሥጋዊ ሕሊና ሊቀበለው የማይችል ነው፡፡ እኛ ስናጠምቅም ያየነው ነገር እንዳለ ሆኖ ያላየነውም ነገር አለ፡፡ በተለይ አባ ገብረ ጻድቅ ሰይጣኑ በላይዋ ላይ ስላለ እንዳይታይበት እያባረረ ወደ ወንዝ ወስዶ ከሆዷ ውስጥ ፍንቅል ብሎ ወጥቶ ውኃውን ሲመታው ያዩ አሉ፡፡ እኔ እያጠመቅሁ ስለነበር ለመያዝ ተከተሏት ስል ወዲያውኑ አስመልሷት ተወርውሮ ወንዝ ገባ አሉኝ፡፡ እኔ ሳጠምቃት አጋንንቱ ጮኋል፤ መተት ነኝ፤ ቡዳ ነኝ እያለ ሲለፈልፍ የያዛትም ትውልድ ሀገሯ እንደሆነ ነው፡፡ እኔ እንዳውም አእምሮዋን መልስላት የሚል ነው የጠየቅኩት፤ ለምን? አፍዝዟት ራሷን አታውቅም፤ ለሦስት አራት ቀን ራሷን ሳታውቅ ጠበል ቦታ ትተኛለች» ብለዋል፡፡

በመጨረሻ ይህ ሁሉ አውሬ በሆዷ እንዴት ሊቀመጥ ይችላል? እርስ በርሱስ ተስማምቶ ሊኖር ይችላል ወይ? የሚልም ጥያቄ አንሥተንላቸው ለዚህም ምላሽ አላቸው፡፡ «አውሬዎቹን እኮ የሚቀያይራቸው እርኩሱ መንፈስ ሰይጣን ነው፤ ሰይጣን ለሰይጣን መልእክተኛ ስለሆኑ ደሟን እየመጠጡ ተስማምተው ይኖራሉ፡፡ ሰይጣን በምትሃት ሆዷ ውስጥ በተለያየ ነገር እየተመሰለ የሚወጣው ሆዷን ቤት አድርጎ በመሥራት ነው» ሲሉ ገልጸዋል፡፡

ጽሑፋችንን የምንቋጨው አባ ገብረ ጻድቅ ባስተላለፉት መልእክት ነው፡፡ እመቤትን ያስታመሟት ሰዎች እግዚአብሔር የሚያዘውን ትልቅ ሥራ ሠርተዋል፡፡ የሠሩት መልካም ሥራ ደግሞ ለሁሉም ሰው ትምህርት የሚሆን ነው፡፡ ስለዚህ ሌሎችም ሊማሩበት ይገባል፤ እያልን እግዚአብሔር ይባርካቸው፤ እሷንም ሞልቶ ይማራት እንላለን፡፡

ወስብሐት ለእግዚአብሔር



01/31/2010 11:32 PM
ተአምረ ማርያም በግብፅ
ተአምረ ማርያም በግብፅ

ትርጉም ደረጀ መኰንን

አንፀባራቂውና ብርሃናማው የእመቤታችን መገለጥ በዋራቅ ከተማ በጊዛ ወረዳ በስሟ በተሰራው ቤተ ክርስቲያን ጉልላት ለይ

Egyptt.JPG
ባለፈው ታኅሣሥ ወር በግብጽ ጊዛ ወረዳ በዋራቅ አልሃዳር ከተማ ውስጥ እመቤታችን ቅድስት ድንግል ማርያም በስሟ በተሰየመው ቤተክርስቲያን ጉልላት ላይ መጀመሪያ በብርሃናዊ አካል በተገለጠች ጊዜ የታየችው በዚህ ሁኔታ ነበር

Egyptt1.JPG
ባለፈው ታኅሣሥ ወር 2002 ዓ.ም /December, 2009/ በግብፅ ካይሮ አልዘይቱን ከተማ ዋራቅ አልሀዳር በሚባል አካባቢ እመቤታችን ቅድስት ድንግል ማርያም በስሟ በተሠራው ቤተ ክርስቲያን በግልጽ ለሕዝብ መታየቷን፤ እንዲሁም የግብፅ ኮፕት ኦርቶዶስክ ቤተ ክርስቲያን የእመቤታችንን በገሃድ መታየት እውነተኛነት ማረጋገጧን፤ በ«ሐመር» መጽሔት 17ኛ ዓመት ቁጥር 7፣ ጥር 2002 ዓ.ም እና በ«ስምዐ ጽድቅ» ጋዜጣ 17ኛ ዓመት ቁጥር 8፣ ከጥር 1 - 15 ቀን 2002 ዓ.ም እትሞቻችን በዜና መልክ ማቅረባችን ይታወቃል፡፡

ስለ እመቤታችን ቅድስት ድንግል ማርያም በገሃድ መገለጥ በግብፅ የሚገኙ እና ሌሎችም ታላላቅ ዓለም አቀፍ ብዙኃን መገናኛ በስፋት ዘግበውታል፡፡ ይህንኑ የእመቤታችንን ተአምር በሰፊው ከዘገቡት ጋዜጦች መካከል በግብፅ ካይሮ እየታተመ የሚሠራጨው «ዋታኒ» /WATANI International/ ጋዜጣ አንዱ ነው፡፡ ለውድ አንባቢዎቻችን ሰፊ ግንዛቤ ይረዳ ዘንድ «ዋታኒ» /WATANI/ ጋዜጣ በእሑድ ታኅሣሥ 11 ቀን 2002 ዓ.ም /20, December 2009, 11 Kyahk 1726, 3Moharram 1431, YEAR9 ISSUE 462/ እትሙ የዘገበውን ተርጉመን አቅርበነዋል፡፡

ከጊዛ ኮፕቲክ ኦርቶዶክስ ቤተ ክርስቲያን ሀገረ ስብከት የተሰጠ መግለጫ
በብፁዕ ወቅዱስ አቡነ ሺኖዳ ሣልሳይ ዘመን እና በጊዛው ሊቀ ጳጳስ አባ ዱማዲዮስ

የጊዛ ሀገረ ስብከት ሊቀ ጳጳስ ጽ/ቤት በታኅሣሥ ወር በዕለተ ዓርብ ታኅሣሥ 2 ቀን 2002 ዓ.ም /Friday 11, December 2009/ ልክ ከለሊቱ ሰባት ሰዓት ላይ በጊዛ ወረዳ በዋራቅ አል- ሃዳር ከተማ ውስጥ በምትገኘው በስሟ በተሰየመው ቤተ ክርስቲያን ቅድስት ድንግል ማርያም በሙሉ ግርማ ሞገሷ መታየቷን ገለፀ፡፡ ቅድስት ድንግል ማርያም በሙሉ ቁመናዋ፣ የሚያንፀባርቅ መጎናፀፊያዋን ደርባ ፀአዳ የብርሃን ልብሷን ለብሳና ደማቅ ሰማያዊ ሰበኗን ታጥቃ የብርሃን አክሊል እንደደፋች በቤተ ክርስቲያኒቱ ጉልላት አናት ላይ ረብባ ታይታለች፡፡ እመቤታችን የብርሃን አክሊልም በጭንቅላቷ ደፍታ ነበር፡፡ በቤተ ክርስቲያኒቱ ጉልላት ላይ የሚገኙት መስቀሎችም ላይ አንፀባራቂ ብርሃን ይታይ ነበር፡፡ እመቤታችን ቅድስት ድንግል ማርያም በቤተ ክርስቲያኑ ጉልላቶች መካከልና በበሮቹ አናት ላይ በሚገኙት ሁለት ማማዎች መካከልም ስትዘዋወር የአካባቢው ነዋሪዎች በሙሉ አንዳቸውም ሳይቀሩ አይተዋታል፡፡

የእመቤታችን መገለጥ አርብ ሌሊት ከሰባት ሰዓት እስከ አሥር ሰዓት ድረስ የዘለቀ ሲሆን ምስሏም በፎቶ ካሜራና በተንቀሳቃሽ ስልክ ካሜራ ተቀርጿል፡፡ ወደ ሦስት ሺሕ የሚጠጉ የአካባቢው ነዋሪዎች ከአጎራባች ቀበሌዎች የመጡና ተላላፊ መንገደኞች በሙሉ በቤተ ክርስቲያኗ ዐውደ ምሕረትና ዙሪያ እንዲሁም በአቅራቢያው ጎዳና ላይ ተሰባስበው የእመቤታችንን በገሃድ መገለጥ በዓይናቸው አይተዋል፡፡

ከዕለተ ዓርብ /አመሻሹ ጀምሮ፣ በቤተ ክርስቲያኒቱ ዙሪያ የተከማቸው ምእመን /ሕዝብ/፣ ከምሽቱ በተለያዩ ጊዜያት ከቤተ ክርስቲያቱ አናት ላይ አንፀባራቂ ፀአዳ ርግቦች ከፍ ብለው ሲበሩ ያዩ ሲሆን በተጨማሪም ከገነት /ከሰማየ ሰማያት/ ከዋክብት በድንገት ተፈንጥቀው በመውጣት በአካባቢው እስከ ሁለት መቶ ሜትር ድረስ ሲወረወሩና ተመልሰው በድንገት ሲሰወሩ አስተውለዋል፡፡ በቤተ ክርስቲያኗ ዙሪያ የተሰባሰበው ሕዝብ ለቅድስት ድንግል ማርያም መዝሙርና ምስጋና ያለማቋረጥ አቅርበዋል፡፡

ይህ ለቤተ ክርስቲያኗ እና ለመላው የግብጽ ሕዝብ ታላቅ ቡራኬ ነው፡፡ በረከቷና ምልጃዋ ሁላችንንም ይራዳን አሜን፡፡
ፊርማ
አባ ቴዎዶሲዎስ
የጊዛ ሀገረ ስብከት ሊቀ ጳጳስ

ቪክቶር ሰላማ
ናዲር ሹክሪ

በወርሃ ታኅሣሥ ዕለተ ሐሙስ /ለአርብ አጥቢያ/ ጥር 2 ቀን 2002 ዓ.ም /11th, December 2009/ ከዕኩለ ሌሊት አለፍ ብሎ በሀገረ ግብፅ በጊዛ ወረዳ በሰዎች በተጨናነቀችዋ ዋራቅ አል ሃዳር ከተማ በምትገኘዋ የቅድስት ድንግል እና የመልአኩ ቅዱስ ሚካኤል ቤተ ክርስቲያን ጣራና ጉልላት ላይ እንግዳ የሆነ ሰማያዊ ብርሃን ሲያንዣብብ በዕለቱ ተረኛ የነበሩ የቤተ ክርስቲያኒቷ ዘቦች ተመለከቱ፡፡

የአካባቢውን የመንገድ መብራት የዋጠው አንፀባራቂው ደማቅ ብርሃን በአካባቢው በሚገኝ ካፊቴሪያ እጅብ ብለው እየተዝናኑ የነበሩትን ሙስሊሞችንም ጭምር ትኩረት ማርኮ ነበር፡፡ በክስተቱ የተደመሙት እኒሁ ሙስሊሞች ደማቁ ብርሃን እየተሰበሰበ ወደ አንድ የሴት አካል ቅርፅ ሲቀየር አስተዋሉ፡፡ በአካባቢው ጎዳና በመጓዝ ላይ የነበሩ ጥቂት አማንያን ክርስቲያኖችም የሚያዩት ብርሃን የተወዳጇ የእመቤታችን ቅድስት ድንግል ማርያም ውብ ምስል መሆኑ ወዲያውኑ ለመለየት ችለዋል፡፡ እመቤታችን ከራስ ፀጉሯ እስከ እግር ጥፍሯ ድረስ ብርሃን ለብሳ ብርሃን ተጎናጽፋ ወርቃማ አክሊሏን እንደደፋች ረዥም አብረቅራቂ ነጭ የብርሃን ቀሚሷንና ባለሰማያዊ ደማቅ መጎናፀፊያዋን ደርባ በቤተ ክርስቲያኑ ጉልላት አናት ላይ በሙሉ ቁመናዋ ተገልፃ ታየች፡፡ በቤተ ክርስቲያኗ አናት ላይ እና በሁለቱ የቤተ ክርስቲያኗ ማማዎች መካከል ረብባ ስታንዣብብ የጉልላቶቹ መስቀሎች ብርሃን ማመንጨት ጀመሩ፡፡ እመቤታችን ቅድስት ድንግል ማርያም በዚህ ሁኔታ ዓርብ ከለሌቱ ሰባት ሰዓት ጀምሮ እስከ ሌሊቱ አስር ሰዓት ድረስ በስሟ በተሠራው ቤተክርስቲያን አናት ላይ እየተዘዋወረች ተገልጣ ታይታለች፡፡

የመገለጧ ዜና በከተማዋ ተሠራጨ፡፡ ሞባይል ስልክ በመጠቀም ጓደኛሞች መጠራራት ጀመሩ፡፡ ከፊሎቹ ይህን ትንግርት በቪዲዮ ካሜራ በመቅረፅ ለወዳጅ ዘመድ መላኩን ተያያዙት፡፡ ቀስ በቀስ የቤተ ክርስቲያኗ ዙሪያ በሰዎች ጎርፍ ተጥለቀለቀ፡፡ የዚያኑ ምሽት ቀደም ብለው ወደየቤታቸው የሄዱት የቤተ ክርስቲያኗ ቀሳውስት ተጠርተው የእመቤታችንን መገለጥ በዐይናቸው ለማየት በቁ፡፡ የጊዛ መስተዳድር የፖ¬ሊስና ፀጥታ ክፍል የዚህ ትንግርት ዜና እንደደረሳቸው ወደ ሥፍራው የፖሊስ ኃይል በመላክ ቤተ ክርስቲያኗን እንደ መቀነት ከበው ሲጠብቁና የታዳሚውን ደህንነት እና ሥነ ሥርዓት ሲያስከብሩ አደሩ፡፡

የእመቤታችን መገለጥ ዜና በእንደዚህ ሁኔታ በፍጥነት በመሠራጨቱ በቀጣዮቹ ጥቂት ሰዓታት የደስታ ሲቃ በተናነቃቸውና እጅግ በተደመሙ ታዳሚዎች ሥፍራው ተሞላ፡፡

የብርሃን እናቱ /እሙ ለእግዚእነ ኢየሱስ ክርስቶስ/

የሚደንቀው ነገር የእመቤታችንን መገለጥ አይተው ዜናውን ያሠራጩት የአካባቢው ሙስሊሞች ነዋሪዎች መሆናቸው ነበር፡፡ በሉቃስ ወንጌል ላይም እመቤታችን ድንግል ማርያም «... እነሆ ከዛሬ ጀምሮ ትውልድ ሁሉ ብፅዕት ይሉኛል፤ . . .» /ሉቃ.1-48/ ያለችው እንዲሁ እንዳልነበር ይህ ክስተት ያሳያል፡፡

ዋታኒ /WATANI International/ ሳምንታዊው የዕለተ ሰንበት ጋዜጣ የእመቤታችንን የመገለጥ ክስተት በትኩሱ ለመዘገብ ሪፖርተሮቹ በቦታው በአካል እንዲገኙ አድርጓል፡፡ በሺዎች የሚቆጠሩ ሰዎች በቦታው በመገኘት ቤተ ክርስቲያኗን ከበው ነው ያደሩት፡፡ አጥንት የሚቆረጥመው የክያህክ /Kyahk/ የታኅሣሥ ወር/ ምሽት ብርድ ሳይበግራቸው ታዳሚዎቹ እስከሚቀጥለው ንጋት ድረስ ከበረከቱ ለመሳተፍ እሳት አንድደው እየሞቁ በዚያው በቤተ ክርስቲያን ዙሪያ ከትመው ነበር ያደሩት፡፡ የምሽቱን አየር በነበረው የደስታ ድባብ ላይ ለእመቤታችን ቅድስት ድንግል ማርያም የሚቀርበው የማያቋርጠው መዝሙርና ምሥጋና ተጨምሮ አድምቆት ነበር፡፡ የምሽቱ ድባብ ሁኔታውን የንግሥ ክብረ በዓል ሲያስመስለው በተለይ ትኩስ የሚጠጣና የሚበላ ሳንድዊች ምግብ አዝዋሪዎችም ከወዲያ ወዲህ ተፍ ተፍ እያሉ ሲያስተናግዱ ለምሽቱ ድምቀት ሰጥተውታል፡፡ የምሽቱ ተአምር ታዳሚዎች የሙስሊሞችና ክርስቲያኖች ስብስብ ነበር፡፡ ዓይነ ርግብ ያጠለቁ ሴቶች ዓይነ ርግብ ካላደረጉት ጎን ለጎን ቆመው ይታዩ ነበር፡፡ ሁሉም የእመቤታችንን መገለጥ በመደመም ይመለከቱ ነበር፡፡

ከለሊቱ ሰባት ሰዓት ገደማ አንፀባራቂው ብርሃናማ የሴት ቅርፅ ያለው ምስል ከቤተ ክርስቲያኑ ጣራ ወደላይ ከፍ እያለ ከወጣ በኋላ በቤተ ክርስቲያኗ ማማና ጉልላት ላይ በድምቀት ረብቦ አረፈ፡፡ ሕዝቡ ደስታውን ከፍ ባለ ድምፅ «ድንግል ሆይ! ቅድስት ድንግል ተገለጠች!» እያለ እልልታውን ከዳር እስከ ዳር አቀለጠው፡፡ ባቅራቢያው ከሚኖሩ ጎረቤቶቻቸው መኖሪያ ቤቶች ጣሪያ ላይ በወፋፍራም ልብሶቻቸው ተጀቡነው ይህን ትንግርት ይመለከቱ የነበሩ በመቶዎች የሚቆጠሩ ነዋሪዎች በጎዳናው ላይ የነበረውን ተመልካች ደስታ ለመጋራት ከሕዝቡ ጋር ተቀላቅለው በአንድነት «የብርሃን እናቱ ድንግል ሆይ ቅድስት ሆይ፣ ትጎበኝን ዘንድ ሁሌም ወደኛ ነይ ነይ፡፡» እያሉ በአንድነት ዘመሩ፡፡

በፍቅሯ ይቃጠሉና በጭንቅና መከራ ተከበው የነበሩ ግብፃውያን ሁሉ አንዳቸውም እንኳ ተስፋ እንዳይቆርጡና እንዲጽናኑ ታበረታታቸው ዘንድ እናታቸው ቅድስት ድንግል ማርያም ከነሙሉ ክብሯና ከሚያስደምም ግርማ ሞገስ ጋር እንደገና ደግማ ተገለጠችላቸው፡፡

ገበርነ ሐሴት፣

ሐማዳ ሙሐመድ ከቤተ ክርስቲያኒቱ ትይዩ በምትገኘው ካፍቴሪያ ውስጥ አስተናጋጅ ነው፡፡ «ዋታኒ» ጋዜጣ አነጋግሮት ነበር፡፡ ሐማዳ እና የቤተ ክርስቲያኗ የጥበቃ ተረኞች የእመቤታችንን መገለጥ በመጀመሪያ ያዩት የዓይን ምስክሮች ናቸው፡፡ «ሐሙስ ምሽት ታኅሣሥ 2 ቀን 2002 ዓ.ም /December 10,2009/ አምሽቼ እየሠራሁ ነበር፡፡ እኔና የሥራ ባልደረቦቼ በጣም ያስገረመንን ደማቅ የብርሃን ጎርፍ ተመለከትን፣» ይላል ሐማዳ ሙሐመድ፡፡ «ከዚያም ይህ ትንግርት ምን እንደሆነ እያሰላሰልን የቤተ ክርስቲያኒቱን ተረኛ ዘቦች ቀሰቀስናቸው፡፡ ወዲያውኑ ይህ ደማቅ የብርሃን ጎርፍ ቅርፅ እየያዘ ከቤተ ክርስቲያኒቱ አናት ላይ አረፈ፡፡ ይህ ብርሃን ለቅጽበት ተሰወረንና እንደገና ተገለጠ፡፡ በአጠገባችን ቆሞ የነበረ አንድ ክርስቲያን «ይህች ቅድስት ድንግል ናት!» እያለ ጮኸ፡፡ ብዙ ሰዎችም መሰባሰብ ጀመሩ፡፡ ይህን ጊዜ ሰዓቱ ከለሊቱ ወደ ዘጠኝ ሰዓት ገደማ ይሆናል፡፡ ቅድስት ድንግል እንደገና በሙሉ ቁመናዋ ነጭ ብርሃናማ ቀሚስና ደማቅና ውብ ሰማያዊ መጎናፀፊያ ደርባ ተገልጣ ታየች፡፡ በቤተ ክርስቲያኗ ጣራና ጉልላት ላይ ከወዲያ ወዲህ እየተዘዋወረች ቆየች፡፡» እንደዚሁ ከዚህ በፊት አንድ ምሽት በሚያንፀባቁ በብርሃናማ ርግቦች ተከባ መገለጧ ይታወሳል፡፡ የዛሬውን ምሽት ተኣምር ለማየት የታደለው ሐማዳ ሙሐመድ ለ«ዋታኒ» ጋዜጣ ዘጋቢ፤ የቅድስት ድንግል መገለጥ ለክርስቲያኖችና ለሙስሊሞች ታላቅ ደስታ መሆኑን ተናግሯል፡፡

ሐሰን ሙሐመድ /ሐሰን አንቦባ በመባል ይታወቃል/ የእመቤታችንን መገለጥ ካዩትና እማኝ ከሆኑት የመጀመሪያዎቹ ሰዎች መካከል አንዱ ነበር፡፡ ሐሰን የጓደኛውን ሐማዳ ቃል የሚጋራ ሲሆን በተጨማሪም በሥዕለ ድንግል ማርያም ያየው እና አሁን ተገልጣ ያያት ድንግል ማርያም ፍፁም አንድ ዓይነት እንደሆነበት መስክሯል፡፡

ሌላው የዚህ ድንቅ ምሽት ታዳሚ የነበረውና ከጓደኞቹ ጋር በዚያች ካፍቴሪያ ቁጭ ብሎ ሲስተናገድ የነበረው ኡሰማ አቡ ሐዲድ የደስታ ሲቃ እየፈነቀለው፤ «የቅድስት ድንግልን ምስል በተንቀሳቃሽ /ሞባይል/ ስልኬ ካሜራ አንስቻታለሁ» በማለት ለ«ዋታኒ» ጋዜጣ አስረግጦ ተናግሮአል፡፡ ኡስማ በዚሁ ሳያባቃ «ብርሃኗ ከምሽት ጨረቃ የበለጠ እጅግ ውብ ነበር» በማለት ገልጿል፡፡

ይህን ተአምር ያዩ ሙስሊሞች በሙሉ ወዲያውኑ ክርስቲያን ጎረቤቶቻቸውን በመቀስቀስ የእመቤታችንን መገለጥ ሳያመልጣቸው እንዲያዩ አድርገዋል፡፡ ሙስሊም ጎረቤቱ ቀስቅሶት የነገረው የክርስትና ሃይማኖት አማኝ የሆነው አሸራፍ አብዱል ማላክ ወደ ጎዳናው ገስግሶ ታዳሚዎችን ለመቀላቀል አፍታም አልወሰደበት፡፡ አሸራፍ ዓይኑ ያየውን እንዲህ ሲል መስክሯል፡፡ «ከደመናት መካከል ሰንጥቆ የሚወጣው ሰማያዊ ብርሃን ቅድስት ድንግልን አጅቧት ከቤተ ክርስቲያኑ መንታ ማማ መካከል በሚገኘው መስቀል ላይ እመቤታችን ስታርፍ አየሁ፡፡»

ሌላዋ ሙስሊም የዋራቅ ነዋሪ «ድንግል ማርያም በቅዱስ ቁርአናችን ላይ የተከበረችና የተወደሰች ናት፣ በሁሉም ክርስቲያኖችና ሙስሊሞች ዘንድ የተወደደች ናት» በማለት አሳቧን በደስታ ገልፃለች፡፡ አክላም «ለዚህም ነው በዋራቅ የምንገኝ ሁላችንም እጅግ የተደሰትነው፡፡» ብላለች፡፡

እርግጠኞች በሆንን ጊዜ

«ዋታኒ» ጋዜጣ የጠቅላላ ጊዛ /Giza/ ሀገረ ስብከት ሊቀ ጳጳስ የሆኑትን አባ ቴዎዲዎስዮስን አነጋግሯቸው ነበር፡፡ የቅድስት ድንግል ማርያምን ተገልጣ መታየት የዋራቅ ቤተ ክርስቲያን ቀሳውስት በስልክ ደውለው በነገሩኝ ጊዜ ማለትም በታኅሣሥ 3 ቀን /Deceber 11,2009/ እኔ በስተደቡብ ምዕራብ አሌክሳንድሪያ በማርዮት ወረዳ በምትገኘው በማር ሚና ገዳም ውስጥ ነበርኩኝ፡፡ ቀሳውስቱን የእመቤታችን መገለጥ ትክክለኛ መሆኑን እርግጠኛ እስክንሆን ድረስ አንዳችም መግለጫ በቤተ ክርስቲያን ስም እንዳያወጡ ከማስጠንቀቂያ ጋር አጥብቄ መከርኳቸው፡፡ ምክንያቱም ያልተረጋገጠ ነገር እንዳይገለጽ ነው፡፡ ከዚያም ለሕክምና በአሜሪካ ለሚገኙት ለብፁዕ ወቅዱስ አቡነ ሽኖዳ ስለጉዳዩ አሳወቅናቸው፡፡ ቅዱስነታቸውም ካሉበት ቦታ ሆነው ሁኔታውን ከኛ ጋር በትኩረት መከታተል ጀመሩ፡፡ በመጨረሻም፣ የቅድስት ድንግል ማርያም መገለጥ ትክክለኛ መሆኑ ሲረጋገጥና፣ በሺዎች የሚቆጠሩ ነዋሪዎችም መገለጧን እንዳዩ እርግጠኞች በሆንን ጊዜ ስለ እመቤታችን ቅድስት ድንግል ማርያም የቤተ ክርስቲያኗ መልእክት ታትሞ እንዲሠራጭ አደረግን፡፡

በጣም በሚያስደንቅ ሁኔታ የእመቤታችን ቅድስት ድንግል መገለጥ በዋራቅ ወረዳ እንደተከሰተው ዓይነት ሁሉ በካይሮና በጊዛ ከተማ በተለያዩ ቦታዎች ያልተለመደ ብርሃንና በዛ ያሉ ርግቦች መታየታቸውን ነዋሪዎቹ እማኝነታቸውን መስጠታቸው ተዘግቧል፡፡

ጥርጣሬ

እዛው የሚያገለግሉ አባ ቢሻይ እንደሚሉት፤ በዋራቅ ወረዳ የምትገኘው ቤተ ክርስቲያን የተቆረቆረችው አንድ በእግዚአብሔር ተጠርቶ ይኼን ዓለም ትቶ በመነነ ክርስቲያን በተለገሠች ቁራጭ መሬት ላይ ነበር፡፡ ከዚያ በፊት ግን በዚህ ወረዳ የሚኖሩ ክርስቲያን ምእምናን ከአንዲት ፍርስራሽ ካታኰምብ /ዋሻ/ በስተቀር በውኑ ጸሎት የሚያደርሱበት ቦታ እንኳ አልነበራቸውም፡፡ ሆኖም ግን በ2000 እ.ኤ.አ ቤተ ክርስቲያኗ ከሚመለከተው የአስተዳደር አካል የግንባታ ፍቃድ አገኘች፡፡ አሁን የምትገኘውን ቤተ ክርስቲያን በ750 ካሬ ሜትር ላይ ሰባ ቀን ባልሞላ ጊዜ ውስጥ ግንባታዋ ከተጠናቀቀ በኋላ በቅዱስነታቸው አቡነ ሺኖዳ ሣልሣይ ተመርቆ በአሁኑ ጊዜ ከሦስት ሺሕ ምእመናን በላይ እየተገለገሉባት ትገኛለች፡፡

ማሐር ናዝሚ ስለእመቤታችን መገለጥ የተለየ መንፈሳዊ እይታ አለው፡፡ «እግዚአብሔር እኛ የዋራቅ ወረዳ ምእመናንን ወደራሱ ያቀርበን ዘንድ ፈቅዶናል፡፡ አብዛኞቻችን ነጋዴዎች ወይም የአነስተኛ ፋብሪካ ሠራተኞች እንደመሆናችን ለእርሱ የምንሰጠው አንዳችም ጊዜ አልነበረንም፡፡ በቃ የዕለት ጉርሳችንን ለማሟላት ስንባክን ነው የምንውለው፡፡ ከእመቤታችን ድንግል ማርያም መገለጥ በኋላ ግን፤ ቤተ ክርስቲያኒቱ በአማኞች መጥለቅለቅ ጀምራለች»፡፡ በማለት ተናግሯል፡፡

የዋራቅ ቤተ ክርስቲያን ቄስ የሆኑት አባ ዳውድ ኢብራሂም ለ«ዋታኒ» ጋዜጣ ሲያስረዱ፤ «የእመቤታችን መገለጥ የሰላም መልእክትና የእርቅ ጥሪ ነው» ብለውታል፡፡

«የእመቤታችንን መገለጥ ዜና እንደሰማን ወዲያውኑ ለሀገረ ስብከቱ ሊቀ ጳጳስ ጉዳዩን አሳወቅን» ይላሉ አባ ዳውድ፡፡ «ሊቀ ጳጳሱም በተራቸው ዜናውን በሰሜን አሜሪካ /USA/ በሕክምና ላይ ለሚገኙት ለቅዱስነታቸው አቡነ ሺኖዳ አበሰሯቸው» አባ ዳውድ አክለውም፤ «ቤተ ክርስቲያኒቱ የተከሰተውን የእመቤታችንን መገለጥ ሁኔታ የዓይን እማኞችን ምስክርነት፣ የፎቶ ግራፍና የቪዲዮ ምስል መረጃዎችን ጨምሮ በጥንቃቄ መዝግባና መረጃ አጠናቅራ አጠናቃለች፡፡

እንዲህ ያለው ክስተት ተጠራጣሪዎችን የሚያበሳጭ ወይም ስሜታቸውን የሚያስቆጣ እንደሚሆን ይታወቃል፡፡ በተለይ የብዙኃን መገናኛ አውታሮች በሙሉ ሁኔታውን አለማመን ወይም ላለማመን መፈለጋቸውን አሳይተዋል፡፡ ይህም ሆኖ ግን፤ «ክርስቲያኖች እምነታቸውን ለማረጋገጥ የግድ የቅድስት ድንግል ማርያም መገለጥ ወይም ተአምራዊ መከሰት አያስፈልጋቸውም፤ ምክንያቱም እነሱ ቀድሞውኑ እምነታቸው የተመሠረተው በማይናወጸው አለት ላይ በመሆኑ በእመቤታችን ቅድስት ድንግል ማርያም ያላቸው እምነት እጅግ የጸና ነው፡፡» ብለዋል አባ ዳውድ፡፡ የእመቤታችን ቅድስት ድንግል ማርያም ምልጃና በረከት አይለየን አሜን፡፡


ወስብሐት ለእግዚአብሔር

01/31/2010 05:14 AM
ልቦለድየሚስጥረ ማመልከቻዎች ከጌቱ ሀይሉ
መድሃኔ Aለም ትምህርት ቤት ፊት ለፊት ካለው ቤንዚን ማደያ ጋ ቆማ ታክሲ ትጠብቃለች። ሚስጥረ ትባላለች። ከቤንዚን ማደያው ጋር ተያይዛ ካለችው Aነስትኛ ቡና ቤት የሚወጡና የሚገቡ ደምበኞችዋ (Aብዛኞቹ መምህራን) Aይኖች ሳያርፉባት Aያልፉም። Eሷም ብትሆን ማስተዋሏ Aልቀረም። ሚስጥረ Aንደነዚህ ያሉትን ሰዎች "በAይንዋ ቂጥ" (በስዋ Aባባል) ነው የምትገረምማቸው።
ከወደ Aስኮ መስመር የሚመጡ ታክሲዎችን ትቃኛለች። Aጠገቧ ሊደርሱ ትንሽ ሲቀራቸው የቀኝ Aጅዋን ሌባ ጣት ትቀስራለች። ሹፌሩ በተቀመጠበት መስኮት ትይዩ ታጎነብስና (ፒያሳ) ትላለች። ወደ ግራ ስትዞር በጆሮዎቿ ትክክል የሚቀረው የተፈጥሮ ጸጉርዋ ላይ የቀጠለችው ሰው ሰራሽ ጸጉር ጉንጉኖች በህብረት ወደ ቀኝ ይዘማሉ። ወደ ቀኝ ስትዞር ደግሞ ወደ ግራ። ምናልባት ልጭንቅላቷ ላለመታዘዝ ይሆን? ብቻ ባንድነት መዝመማቸውና ቀጥ ማለታቸው ከጥቁር ቀጫጭን ሽቦዎች የተሰሩ ያስመስላቸዋል።
ሁለት ታክሲዎች ሞልተው፤ ሶስተኛዋን ውይይት ጀርባ መቀመጥ ባለመፈለግዋ ኣሳልፋ፤ በAራተኛዋ ጉዞ ጀመረች። ባካል ወደ ፒያሳ በሃሳብ ወደ ኋላ። ስራ ለመቀጠር "ማመልከቻ" ያስገባችባቸውን መስሪያ በቶችና ሁኒ<_tawoc mastawes jemerec::
"Aይ ነቢያት! Eሱን በሎ ደግሞ ነቢይ! ነቢያት ብሎ ደግሞ ለሱ ስም! ስሙን ቄስ ይጥራውና! Aንደዛሬው በቅዳሚ_ ቀን ነው Aይደል ያኔ Eነሱ መስሪያ ቤት ስመላለስ! ‘ግድ የለሽም Aስቀጥርሻለሁ’ ብሎኝ የወጣሁለት! Eማዬ ትሙት Aንደሱ የተጫወተብኝ የለም! Aይ ምላስ!መቸም ያውቅበታል። Aኔማ በቃ Aሱ ሲያወራልኝ፤ በቃ የEውነት የተቀጠርኩ መስሎ ይሰማኝ ነበር። ምንዋ ሞኝ ነበርኩ ግን!
’ፈተና Aዘጋጅ ኮሚቴው ውስጥ ስላለሁበት ምንም Aትስጊ። በኔ ጣይው…’ ቅብጥርሶ ሲለኝ Eንዴት Aላምነው!? ማንም ቢሆን Eንዲህ ቢባል ያምናል። በሱ Aነጋገር፣ በዚያ ላይ Aለባበሱ! በቃ ልክ ባለስልጣን ነው Aኮ የሚመስለው። Aኔ ቢያንስ ቢያንስ ያንድ ክፍል ሃላፊ ይሆናል ብዬ ነበር የገመትኩት። Eረ Aሱማ ጉራው ስራ Aስኪያጅ ያስመስለዋል!
Aሁን Aሱን ትቶ ያን ኩሩሩ ድውይ ሰውዬ ማን ማኔጀር ነው ብሎ ይገምታል!? Aሁን በየነ ከዚያ ጉድ ባያወጣኝ ኖሮ ምን ይውጠኝ ነበር! Aይ በዩ ’Eንጋባ’ Aያለባይጨቀጭቀ Aሱው ይሻላል። Aግዜር ይስጠው Aሱ ባይኖረኝ ኖሮ ይኸኔ ዲቃላዬን ታቅፌ ቁጭ ብዬ Eቀር ነበር። Aይ በዩ ጤባው!
’ግዋደኛዬ ታማለችና ያን ሆስፒታል የሚሰራውን ግዋደኛህንAስችግርልኝ’ስለው፤’የትዋ?’Aንክዋን Aላለም። ግዋደኛውስራሱ ቢሆን ጥሩ ሰው ነው። ’ያንድ ቀን ስህተት ነው፤ ለበዩ Aትንገርብኝ፤ ችግሩ የራሴ_ ነው።’ስለው ’Aሺ’ ማለቱ። ግን ለበየነ ነግሮት ይሆን? Aልነገረውም። ነግሮትማ ቢሆን ኖሮ!
ግን ነግሮት ቢሆንስ ኖሮ፤ ምን Eንዳያደርገኝ! Aይፈልጠኝ፤ Aይቆርጠኝ!ግፋ ቢል መለያየት ነው! ላልጠፋ ወንድ! ግን Aሱው ሳይሻለኝ Aይቀርም። ምንም ቢሆን በወር ድሞዝ በተቀበለ ቁጥር የሚገዛልኝ ሽቶ፣ትያትር፣ሲኒማ መጋበዙ ራሱ፤ስንት ነገር Aለ!
Aንዳንዶቹማ ደረቆች! ጠብም Aይላቸው! በዩ ግን የምጠላበት ጸባዩ ’Aት ሊስት’ በሳምንት Aንዴ Aንኳን ’ናዪት ክለብ’ Eንግባ ብሎኝም Aያውቅም። ’ፓርቲ Eንሂድ’ስለው ከስንት Aንድ ቀን ነው የሚስማማው።’ዛሬ ፕሮግራሜ ….’የሚል ፈሊጥ Aለው።"
Eሱን ደስ የሚለው በየወሩ ገንዘቡን Eየከሰከሰ መደርደሪያ ሙሉከ ገጠገጠው መጽሃፍት Aንዱን Aንስቶ፤’ሚስጥር ይህቺን Aንብቢያት፤ ባለፈው ሰሞን የወጣች ቆንጆ መጽሀፍ ናት።’ማለት ነው። Eኔ ለራሴ Aንደማንበብ የሚያስጠላኝ የለም። ሳነብ Aንቅልፌ ይመጣብኛል።"
‘Eንቁላል ፋብሪካ’ Aየተባለ የሚጠራው Aካባቢ ደርሰው፤’ወራጅ ፣ ወራጅ Aለ!’ብሎ Aንዱ ተሳፋሪ ለመውረድ ታክሲዋ ስታቆም ነበር ከሃሳብዋ የነቃችው። ወዲያውታክሲዋ በርዋን ዘግታ ጉዞ ከመጀመርዋ ወደ ትውስታዋ ተመለሰች። ጎረምሳው የታክሲ ሹፌር ጉሮሮውን Aየጠራረገ ንግግር ለመክፈት ቢሞክርም Aልሰማችውም።
"ትሩፋት፤ ትሩፌ ነች ነብያት መዝገብ ቤት Aንደሚሰራ የነገረችኝ። ጎበዝ ናት።ፈተናውን Aልፋ የተቀጠረችው Eሷው ናት። ምነው የሷን ጭንቅላት ቢሰጠኝ! ነቢያት ሺፈራው የመዝገብ ቤት ጸሀፊ። ድንቄም የፈተና Aዘጋጅ ኮሚቴ Aባል! ከነቢያትስ ደመቀ ይሻላል። Eውነቴን ነው፤ ገገማ ቢሆንም ቁርጡን የሚናገረው ይሻላል። Aንደ ነቢያት ቀልጣፋ ቢሆንማ ኖር ይሄኔ_ ስንትዋን ያወጣ ነበር! ገና Aንድ ሁለት ቃላት ከመለዋወጣችን፤ ’የኔ Eህት ልረዳሽ የምችል Aይመስለኝም። መስሪያ ቤታችንም ቢሆን በዘመድ Aዝማድ የሚሰራበት Aይነት Aይደለም። ሊ_ላው ቢቀር በኔ በኩል የማይሆን ነገር ነው። ቦታው መመዘኛውን ለሚመጥን ማንኛውም Iትዮጵያዊ ክፍት ነው። ፈተና Eንሰጣለን፤ Aናወዳድራለን ማለት ነው። የውድድሩ Aሸናፊ ይቀጠራል። በዚህ መሰረት ነው ያንቺንም ጉዳይ የምመለከተው።’Aለኝ። ገገማ ነው።Aኔ ነኝ ያስተካከልኩለት፤ Eሱማ Aንደዚህ መናገርም Aይችልበትም።’ …............. ’በሳቅ ጦሽ ልል ምንም Aልቀረኝ! መቼስ ምን ላድርግ ለቅጥር Aመልካች Aይደለሁ፤ Aንደምንም ቻልኩት። በኋላ በዩ ነገረኝ ስድስት ኪሎ ማኔጅመንት ግራጁæየት ነው ብሎ። ከበየነ ጋር Aንድ ሁለት ቀን Aይቶኝ Aይደል ’…ሜሲሪያ ቤታቺኒ …’ያለው። በትውውቅ Aንደማይጠቅመኝ ማስጠንቀቁ ነው በሱ ቤት። ራሱ በየነስ ራሱ በየነስ ቢሆን ’ለምንልኝ’ብለው ’Eምቢ’ Aይደል ያለው! ’ፕሪንሲፕል’የሚሉት ነገር Aላቸው። Aይ ደመቀ! የኛ ሃቀኛ!’ኮከብ ሰራተኛ’ተብሎ ይሸለማታ!ግን ቢሆንም Eስው ቁርጤን የነገረኝ ይሻለኛል። ያኔማ ለፈተናም Aልሄድኩ፤ ላላፍ ነገር።
ራስ ደስታ ሆስፒታል Aካባቢ ሲደርሱ የታክሲው ሹፌር ሌላ የካሴት ክር Aስገባ።ሚስጥረን ’ካረቢያን ኪዊን’ የሚለው ሙዚቃ ወደ ለላ ትውስታ ቀየራት። የሹፌሩAይኖች Aጭሩ ጅንስ ቀሚስ በከፊል ያጋለጣቸው፤ ከጉለበቶችዋ በላይ Eስክ ቀሚሱ ጠርዝ ድረስ ያለው የሰውነት ክፍልዋ ላይ Aርፈዋል።Aላስተዋለቸቻቸውም።
"Aይ ዳኒ! ይሄኔ Aንተ Aሜሪካን ሀገር ተንደላቀህ ትኖራለህ። Eኔ Eዚህ በዚህ ሙዚቃ ሁሌ Aስታውስሃለሁ።’ካረቢያን ኪዊን’የሚለውን ቀይረህ ’Iትዮጵያን ኪዊን’Eያልክ ስትዘፍንልኝ የነበረው Aይረሳኝም። የሽኝትህ ቀን ዋዜማ ፌርዌል ላይ ስንት ጊዜ Eንደደነስንበት፤ ያልከኝ ሁሉ Aይረሳኝም።ይሄኔ Aንተ Eንክዋን ዘፈኑን Eኔንም ረስተህኝ የሆናል። Aይ ዳኒ! ’ዳኒ ቦይ በይኝ ስትጠሪኝ’ ያልከኝ ትዝ የልሃል?Eዚያ መቼም ’ዳኒ ቦይ’ Eያሉ ነው የሚጠሩህ። ’ሄሎው ዳኒ ቦይ! ሃው ዱ ዩ ዱ!’ Eንዴት ደስ ይላል!ታድለህ!Eኔም Aንድ ቀን ከዚች ሃገር መውጣቴ Aይቀር! ዳኒ ቃሉን ካላጠፈ ወደ Aሜሪካ Eወስድሻለሁ ብሎኝ ነበር። ቢሆን ነው Eንጂ ታድያ Eስከ ዛሬ ፖስት ካርድ Eንኳን ሰው Aይልክም?!
ቢሳካልኝማ ስራ፣ ምናምን ከማለት መውጣቱ ነበር የሚሻለኝ።"
’ካረቢያን ኪዊን’ Aብቅቶ ወደ ሌላ ትውስታ፤ ወደ ዋናው መለሳት። ግራ Eግርዋ ላይ የጫነችውን የቀኝ Eግርዋን Aውርዳ ግራ Eግርዋን የቀኝ Eግርዋ ላይ ጫነችው። የታክሲ ሹፌሩ Aይኖች Aረፉባቸው። Aላስተዋለቸቻቸውም።
"ከሁሉም የተጫወተብኝ ግን ደጀኔ ነው። Eሱ Eንደሸወደኝ ማንም Aልሸወደኝም። Eንደ ነበያት ስልጣን Aጥቶ Aይደለም። የሰራተኛ ክፍል ሃላፊ ነው Aሉ። ማስቀጠር ቢፈልግ በደንብ ይችል ነበር። መዸመርያ ጥሩ ሰው መስሎ ኋላ ማለት Aመጣ Eንጂæ^። ’Aይዞሽ ሚስጥረ ሁሉንም ነገር በኔ ጣይው፤Oኬ!’ከዚያ Eጆቹን ጠረጴዛ ላይ ደግኖ፤ ጣቶቸን Eያፍተለተለ፤ ቅንደቦቹን ሸብሽቦ፤ ከናፍሩን ወደፊት Eየለጠጣቸው፤ ’ግን ሚስጥረ Eንደምታውቂው Aንድ ሰው ላንድ ሰው Aንድን ጉዳይ ሲፈጽምለት በሌላ ጊዜ ያ ሰው፤ ማለቴ ጉዳዩ የተፈጸመለት ሰው በተራው ያን የፈጸመለትን የሚረዳበት ሁኔታ፣ መንገድ ካገኘ ወደ ኋላ Eንደማይል የምታውቂ የመስለኛል። Eና ተግባባን?….’Eኔ ልዽት Eንኳን ይህችንና የዝንብ ምንትስ Eናውቃለን Aልኩና በልቤ፤ ባፌ ’Eሺ!’ነዋ! መጀመሪያ Eኔ የሱ ጉዳይ ፈጻሚ ሆንኩ። Eሱ Eኔ Eርዳታ በምፈልግበት ጊዜ ወደ ኋላ Eንደማይል ሙሉ በሙ=ሉ በመተማመን። Aይ ደጀኔ! መጨረሻ ላይ ምናለኝ ታድያ?!’ሚስጥረ ምንም ማድረግ Aልችልም። ፍቅር ሌላ፤ ስራ ማስቀጠር ሌላ።’Aይን Aውጣ ደረቅ!Eሱን ብሎ ሃቀኛ!ስንትዋን Eንዲህ ብልዋት ይሆን? ታድያ ከሱ ደመቀ Aይሻልም?"
ታክሲዋ የማዘጋጃ በት ዋናው በራፍ ጋ ልትደርስ ትንሽ ሲቀራት ቆመችና ተሳፋሪዎችዋን ማራገፍ ጀመረች። ምንም Eንኳን ከስልሳ ሳንቲም በላይ የሚሆኑ ዝርዝር ፍራንኮች ቢኖርዋትም ሰሞኑን የምትመላለስበት መስሪያ ቤት ያስቀጥሩኛል ብላ ተስፋ የጣለችባቸውና ለዛሬ የቀጠሯትን የመስሪያ ቤቱን ምክትል ስራ Aስኪያጅ AEምሮዋ ውስጥ Aስገብታ ነበርና ቦርስዋን ከፍታ፤ ከተጣጠፉት ብሮች መሃከል Aንድዋን መዛ Aውጥታ ሰጠችው።
ሹፌሩ Aሁንም Aጭሩ የጅንስ ቀሚስ ወጥሮ ከያዘው ሰውነትዋ ላይ Aይኖቹን ሳይነቅል ተቀበላት። ከታክሲዋ ወርዳ መልስዋን ስትቀበል፤ AEምሮዋ ያለፉትን ጊዚያት ትቶ ላሁኑ ጊዚያት ክፍት ቦታ ስያገኝ፤ ሹፌሩን Aወቀችው። ’ጂ ሰ ስ!’ Aለች በሆድዋ። በሩን ’ጠርቅማበት’ Eርምጃዋን ቀጠለች።
Aሁንም የጎረምሳው ሹፌር Aይኖች ከበስተ ኃላዋ መቃኘታቸውን Aልተዉም። ከወራት በፊት የመዝገብ ቤት ጸሀፊ የነበረው፤ በAሁኑ ጊዜ ቤተሰቦቹ የገዙለትን ’ውይይት’ ታክሲ የሚያሽከረክረው የነቢያት ሺፈራው Aይኖች።
Aሁንስ ባታያቸውም Aስተውላቸዋልች።
ከጌቱ ሀይሉ

01/31/2010 04:47 AM
ጋሽ ገቢ ናፈቀኝ!!
በሃሳቤ አዲስ አበባ ፤ከአምስተኛ ፖሊስ ጣቢያ በታች ወንዙን እንደተሻገሩ ባለው የመካነ ኢየሱስ ቤተክርስቴያን የግንብ አጥር ተደግፊ ጫማዬን እያስጠረኩ ነው። መቼም ቀኑ እሁድ ጠዋት መሆን አለበት። በሰማያዊው ሰማይ ላይ ደስ የምትል ፀሃይ ወጥታለች። ዙሪያዬን በሰፈር ልጆች ተከብቤያለሁ። በመኪና መንገዱ ላይ ጎረምሶች ኳስ ሲጫወቱ ለአላፊ አግዳሚው ቁብ አይሉም። ከፊት ለፊቴ በቀበሌው መዝናኛ ክበብ ውስጥ ያለው የታሪኩ ሥጋ ቤት መስኮቱን ለጠዋት ፀሃይ ወለል አድርጎ ከፍቷል። ትንሽ አለፍ እንዳሉ የአረቦ ሱቅ አለ። ጋሽ ገቢ የገዛውን ሲጋራ ለኩሶ ሲወጣ ይታየኛል።ትኩረት አልሰጠሁትም። አጠገቤ ካሉት ልጆች ጋር ወሪዬን እጠርቃለሁ። ያው እንደተለመደው ፥የእንግሊዝ ፕሪሚሪ ሊግ ጨዋታ፣ የቅዳሜ ጋዜጦች እትም ፣የቅዳሜ ምሽት ጀብዱ ፣የዓለም ፖለቲካ ፣የመንግስት ባለስልጣናትን እና ታዋቂ ሰዎችን ማማት………ጫዋታው ያጓጓል። ሳቅ……..…ውካታ!!

ሁሌም እሁድ ጠዋት ልማዳችን ነው። የበረሮ ቀልድ፣ የታምሩ ሳቅ፣ ‘የጓድ አብዱ’ ትንታኔ………….ሁሌም ተነፋቂ ነው። በጨዋታ መሃል በረሮ ጋሽ ገቢን ከታሪኩ ሥጋ ቤት ሥጋ ገዝቶ ደረጃውን ሲወርድ ያየዋል።

“ እንዴ……..ጋሽ ገቢ! ምንድነው ያንጠለጠልከው ? ” ይለዋል እየሳቀ። ጋሽ ገቢ የበለዘ ጥርሱን እያሳየ በጣቶቹ ከንፈሩን ፈትጎ..

“ እናታችሁን ል….። ምቀኛ ሁላ! ይህችን ቅንጥብጣቢ ይዢ ብገባ አይናችሁ ደም ለበሰ። እናቴ ….…እናንተ ጠጡ፥ እኔ ባገኘኋት እበላለሁ። ”

ሁሉም ሳቁን ለቀቀው። በህይወቴ እንደዚህ ስድብ እምጠላው የለኝም። ጋሽ ገቢ ግን ሲሳደበው ምንም ሳይመስለኝ ለምን እንደምስቅ አይገባኝም። ታዲያ እኔ ብቻ አይደለሁም ፤ሁሉም ይሄን ስድቡን ይወድለታል። ማንም እንደሚለውና እንደተስማማበት ይሄ ስድብ ጋሽ ገቢ ላይ ያምራል። በእያንዳንዱ ንግግር መጀመሪያ ይህን ስድብ እንደመቅድም ካልተጠቀመበት ንግግሩ ንግግር፣ ጨዋታው ጨዋታ አይሆንም። የሰፈር ልጆች እንደሚናገሩት፤ ይሄ ስድብ ጋሽ ገቢ ላይ ዜማ አለው። ገብስማ ፀጉሩን በጣቶቹ እየቆፈረ “ እናትህን ል…..” ብሎ ሲሳደብ፥ የሚሰማው አላፊ አግዳሚ ሁሉ “ ምን አይነት ቅሌታም ሽማግሌ ናቸው! ” ብሎት እየሳቀ ያልፋል። እድለኛ ነው……….. ማን ይቀየመዋል!!

ጋሽ ገቢ መቼ እንደተወለድ የሚያውቅ የለም። እሱ እንደሚለው አዲስ አበባ መሃንዲስ መምሪያ ያለው ጦር በደርግ ላይ አምፆ እነ ሻምበል ፍቅረስላሴ አመፁን ለማክሸፍ በሄዱበት ጊዜ ወታደር ሆኖ እዚያው መሃንዲስ ጊቢ ውስጥ ነበር።

“ ታዲያ ያኔ……አንድ ሃያ ዓመት ይሆነሃል። ” ብሎ አንዱ ሲለው፤

“ እናትን ል…..። ሰውነቴ ወፍራም ስለነበር ወታደርነት ቀጠሩኝ ፤እንጂ እድሜዬስ ገና አስራ አራት አይሞላም ነበር። ”ብሎ ይመልሳል። በረሮ በጫዋታ መሃል ሲያበሽቃው “ ንግስት ዘውዲቱ ሲወለዱ ከበስተግርጊ ኩራዝ ይዞ ቆሞ ነበር። እንግዲ ያኔ ያንድ ያአስር ዓመት ልጅ ሳይሆን አይቀርም። ” ይለዋል።

ጋሽ ገቢ በቀድሞው መንግስት የምድር ጦር ውስጥ የመገናኛ ይሆን የማመላለሻ ሹፊር ነበር። እንደማስታውሰው ማዕረግ የነበረው ሲሆን፥ በሠራዊቱ ውስጥ የ አምሳ አለቅነት ሹመት ላይ ደርሷል። ጋሽ ገቢ ይህ ስሙ እውነተኛ ስሙ አይደለም። እናት እና አባቱ ያወጡለት የመዝገብ ስሙ “ ይታገስ ”ሲሆን፥ ለምን ጋሽ ገቢ እንደተባለ የሚታወቅ ነገር ባይኖርም ፤ማንም ግን በትክክለኛ ስሙ ጠርቶት አያውቅም።

……………ዛሪ እዚህ ያለሁበት ቦታ ሆኜ ጋሽ ገቢ ናፈቀኝ። እኒያ በውሸት የተሞሉ ለዛ ያላቸው ጨዋታዎች፣ አጋኖ የሚያወራቸው ጀብዱዎቹ፣ ስድቡ፣ ርህራሄውና ደግነቱን..……እያስብኩ ፈገግ ለማለት እሞክራለሁ። አንዳንዴ……ይሄ ሃምሳ ዓመት በርግጥ ያለፈው ሰውዬ…….ድልደል ያለ ሰውነቱ ላይ ያለው ቦርጭ፣ ገብስማ ፀጉሩን፣ የበለዘ ጥርሶቹን፣ ሲጋራ የማይለየቸው ጣቶቹን በአይነ ህሊናዬ እየቀሰርኩ ያለፈ ታሪኮችን በእዝነ-ልቦና ለማጠንጠን እሞክራለሁ…………….።

…………………… “ ያኔ እናታችሁን ል……….” ይለናል ጋሽ ገቢ ጨዋታውን ሲጀምር…… “ አስመራ የሚገኘው የሁለተኛው አብዮታዊ ሠራዊት አባል ነበርኩ። ያርፍንበት የሠራዊት ካንፕ ውስጥ የምንተኛው በቡድን-በቡድን ሆነን በተሰጠን የማርፊያ ክፍል ውስጥ ነበር። አንዴ…..ሳይታሰብ ጀነራል ቁምላቸው ሊጎበኝን መጣ። ገና ወደክፍላችን ሲገባ ሁላችንም በድንጋጤ ከአልጋችን ላይ ተስፈንጥረን በባዶ እግራችን ወለሉ ላይ በተጠንቀቅ ቆምን። የምንኖርበት ቤት ምስቅልቅሉ ወጥቶ፤ እያንዳንዱ ወታደር የከፈተው ሙዚቃ ጩኀት ክፍሉን አደንቁሮት፤ የወታደር ማደሪያ ካምፕ ሳይሆን ዳንስ ቤት መስሎ ነበር በድንገት ‘ ዘው ’ ያለው። “ ምንድነው ይህ ሁሉ ስራት አልበኝነት?..... ዳንስ ቤት ነው ወይስ የወታደር ካንፕ? ”አልን አይኖቹን አፍጥጦ። የምንለው ጠፍቶን፥የምንገባበት ቀዳዳ መፈለግ ያዝን። እሱ ሙሉ የማዕረግ ልብሱን እንደለበሰ በትረ መኮንኑን በቀኝ እጁ ጨብጦ ግራኛው እጁን እየመታ በመንጎራደደ የእያንዳንዳችንን አልጋ ይጎበኝ ጀመር። ልክ እኔ ጋር ሲደርስ እፊት ለፊቴ ቀጥ ብሎ ቆመና ለረጅም ጊዜ አፍጥጦ ይመለከተኝ ጀመር። ወዲያው ቀና ብሎ ከአልጋዬ በላይ በተዘረጋ ገመድ ላይ እንዲደርቁ ያንጠለጠልኳቸውን ካልሲዎች እየተመለከተ፥ በበትረ መኮንኑ እንዲህ ወደላይ እየነካካቸው………….. “ምንድን ነው ይሄ?........ቋንጣ ነው?? ” አለኝ። ላብ በላብ ሰውነቴ ርሶ፤ በድንጋጤ ክው ብዬ ደርቄ ቀረሁ።………….”

ሁላችንም ትረካውን እየሰማን በሳቅ ፈረስን። ይሄኔ አብሮ አደጉ እና ጓደኛው የቀድሞ ጦር ሻምበል የነበረው ታዬ እየሳቀ….. “ እንዴ ምንድን ነው የምትለው?.......ጄነራል ቁምላቸው የአየር ወለድ አዛዥ ነው። እናንተ ጋር ምን ሊያደርግ ይመጣል? ”ብሎ ያፋጥጠዋል። ጋሽ ገቢ ያው የተለመደ ስድቡን በማስቀደም “ እናትን ል…። ዝምብልህ አዳምጥ! ወሪ አታቆርፍድ። ” ብሎ ይመልስለታል።

የጋሽ ገቢ የጦር ቤት ታሪክ መዝናኛችን ነበር። በረሮ በሚስቁ አይኖቹ ጋሽ ገቢን እየተመለከተ “ እስቴ ስለሸጥከው ታንክ ንገረን። ” ይለዋል።

“ እሱ እኮ አሁን ነው።…….” ብሎ ከንፈሮቹን እንደተለመደው በሁለት ጣቶቹ አይበሉባ እየጥረገ መተረክ ይጀምራል። “………. መንጌ ጠፋ ሲባል ያ-ሁሉ ሠራዊት ልክ ለሱ የሚዋጋ ይመስል፥ ከየግንባሩ እየፈረጠጠ ወደ አዲስ አበባ ሲሸሽ ፤እኔ ያኔ መተሃራ ነበርኩ። እኔስ ማን አለኝ? ምን አደርጋለሁ? ብዬ የምነዳውን አይፋ መኪና እያብረርኩ ወደ ናዝሪት ነጎድኩ። ልክ ናዝሪት መግቢያው ላይ ስደርስ አካባቢው ትርምስ በትርምስ ሆኗል። የሚሸሸው እግረኛ ሠራዊት፣ ታንኩ፣ የተጠመዱ ከባባድ መሳሪያዎች ሁሉ እዚህ ፈሰዋል። በመንገዱ ላይ የነበረው ሙቀት ድካም ለቆብኝ ነበረና እንዲሁም ውሃ ጠምቶኝ ስለነበር፤ መኪናዬን ከመንገዱ ዳር ወጣ አድርጌ በማቆም የሚጠጣ ፍለጋ ወደ አንድ ቡና ቤት አመራሁ። በአጋጣሚ እግሪ ገና የቡና ቤቱን በር ገባ እንዳለ፤ አንድ ስሜን ታንከኛ የነበረ የማውቀው ሻምበል ባሽ ላይ አይኖቼ አረፈ። እሱም ወዲያው አይቶኝ ነበር እና “ ገቢ…..እናትህን ል…፡ በህይወት አለህ?! ……አልሞትክም! ” አለኝ። ለብዙ ዓመታት አልተያየንም ነበር እና በናፍቆት ተሳስመን ወጋችንን እንጠርቅ ጀመር። በወሪ መሃከል ወደ አዲስ አበባ መሄድ እንደሚፈልግ ፤ግን ታንክ መያዙን እና የሚገዛ ቢያገኝ ለመሸጥ ወደኋላ እንደማይል ነገረኝ። እኔም ወደ ተራራው አካባቢ የማውቃቸው ገበሪዎች እንዳሉና ይገዙ እንደሆን እድላችንን እንድንሞክር ጠየኩት። ወዲያው ያዘዝኩት ቢራ ከጉሮሮዬ ሳይወርድ እያካለብኩ ይዤው ወጣሁ። ከዋናው መንገድ ተገንጥሎ ባለው ኮሮኮንች መንገድ እየነዳሁ ወደተራራው ስወጣ ከኋላዬ ታንኩን እያንደረደረ ተከተለኝ። ተራራው ጥግ ስንደርስ ሁለታችንም የምንነዳውን አቁመን፤ እኔ ከመኪናዬ በመውረድ ‘ ወደገበሪዎቹ መንደር በመግባት አነጋግሪ እስክመጣ ድረስ እዚሁ እንዲጠብቀኝ ’ ነግሪ ተለየሁት። ከሱ ተነጥዬ ወደመንደሩ ስገባ ፤ከዛፍ ስር አራት ገበሪዎች ቁጭ ብለው ሲጨዋወቱ ደረስኩ። ያው ከዚህ ቀደም በዚያ መንገድ የሚጠጣ ጠላ ፍለጋ ብዙ ግዜ ሰፈራቸው ስመላለስ ተዋውቀን ነበረና ከተቀመጡበት በመነሳት ሰላምታ አቀረቡልኝ። እኔም ወደ ዋናው ጉዳዬ ቶሎ በመግባት ፤ ለሰፈሯ ዕድገት ጥሩ ዕድል ይዤ መም ጣቴን በማውሳት የሚሸጥ ዕቃ ያለኝ በመሆኑ መንደረተኛውን በማሰባስብ እንዲገዙኝ ጠየቅኳቸው። እነሱም ወዲያው በመሰባሰብ ተከትለውኝ ታንኩ ወደቆመበት ቦታ ሄዱ።

“ እሄውላችሁ…….” አልኳቸው-ታንኩን እያሳየኋቸው “………ይህ ታንክ ነው። በሰላም ግዜ ታርሱበታላችሁ። በጦርነት ግዜ ትዋጉበታላችሁ። ዋጋው አይጎዳችሁም፤ አዋጥታችሁ አርባ ሺ ብር ክፈሉ ” ብዬ ገና ከማለቴ ከመንደረተኛው መሃል ሽምገል ያሉት ገበሪ ከማህከላቸው ወጣ ብለው

“ ልጄ…….የምትለው ዕቃ ይጠቅመናል። ግን አቅማችን አይችልም። የምትል ከሆነ እኔም ከመንደረተኛው ላስባስብ አንተም ሃያ ሺ ብር አድርግልን። ” አሉኝ። እኔም ጓደኛዬን ላናግር ብዬ ወደባሻ በማምራት ያቀረቡትን ዋጋ ነግሪው ብንስማማ የሚሻል መሆኑን አስረዳሁት። እሱም በጣም ተደስቶ ገንዘቡን ቶሎ እንድቀበል ላከኝ። ወዲያውም መንደረተኛው ገንዘቡን አዋጥቶ በሽማግሌው በኩል አስረከቡኝ። እኔም ባሻን አጠገቤ አድርጊ ወደ አዲስ አበባ ነጎድኩ። በኋላ ማሳያ መስታወት የኋሊት ወደ መንደረተኛው ስመለከት ግን ገበሪዎቹ እንደ ንብ ታንኩን ከበውት በአድናቆት ሲመለከቱት አየሁ።

የጋሽ ገቢ ታሪኮች መጨረሻ የላቸውም።ከሁሉም ታሪኩ ግን እንደዚህ ያሳቀኝ የለም። ጋሽ ገቢ እራሱ ይተርክልን።……………….

………………………………… ያው የመንግሥት ለውጥ ተደርጎ ሠራዊቱ ከተበተነ በኋላ የማደርገው ጨነቀኝ። ከየትም ከየትም ብዬ ያገኘኋትን ገንዘቦች ቀረጣጥፊ በላሁና ስታልቅ ግዜ የምገባበት ጠፋኝ። በየቦታው ስራ ፍለጋ ማመልከቻ ባስገባም ለእኔ የሚሆን ጠፋ። አደለም ሲጋራ የማጨስበት ዳቦ የምበላው መግዣ አጣሁ። ጫሞቼ አልቀው በነጠላ ጫማ ማዝገም ከጀመርኩ ወደ አንድ አመት ከስድስት ወር አለፈኝ። ይሄኔ እናቱን ል…ና ይሄ ሻምበል “ ለምን አዋቂ ቤት ሄደን አንጠይቅም ? ” አለኝ። የማደርገው ነገር ጥፍት ብሎኝ ነበርና ላለመስማማት ምርጫ አልነበረኝም። ተከትዬው ሄድኩ።ቦታው ወደ ኮተቤ አካባቢ ነበር። እቤቱ ውስጥ ገብተን፤ የኔ ተራ ደርሶ መናገር ጀመርኩ።

“ ጌታዬ ………….አይጥ ገንዘው ደጄ ላይ ቀብረው እንጀራ አልወጣልህ ብሎኛል።……በርሶ መጀን እርዱኝ!! ” ብዬ ስጠይቅ፤ ከመጋረጃው ጀርባ ያለው ጎርናና ድምፅ እንዲህ አለኝ፤

“ ያንተ እንጀራ ገና ነው ………አልበሰለም።አ…ል..በ..ሰ..ለ..ም ” ብሎ ሲል ብሽቅ አልኩ።በቆምኩበት ቦታ አይኔን ዞር ሳደርግ፤ ዕጣን የሚጨስበት ገል ምድጃ ፍሙ ተንተርክኳል። ብድግ አድርኩና በእጆቼ ይዤ መጋረጃውን በመግለጥ ወደ ውስጥ በመግባት ተመለክትኩ። አንድ ሴት ነጠላ ለብሳ ቁጭ ብላለች።

“ የዚህ ምድጃ ፍም……… የኔን እንጀራ አያበስለም? ” ብዬ ከመጠየቄ

“ አይ ውጣ ! እንግዲህ ነገርኩህ። ገና ነው።…….ውጣ! ”

ከስሯ ያለው መሶብ ላይ አይኔን ጣልኩ። ባለ መቶ-መቶ ብር ኖቶች ሞልተውታል። ምድጃውን አስቀምጬ፤ መሶቡ ላይ ያለውን ገንዘብ በማፈስ ኪሲ ከትቼ ወጣሁ።ከኋላዬ…

“አስቀምጥ…….ውጋው!.........ነገርኩህ!..........ውጋው! ” የሚል ድምጽ ተከተለኝ።

ሻንበልን ትቼ፤ገንዘቡን ይዤ ወደ ቤቴ ስነጉድ፥ ‘ ውጋው! ” የሚለው ድምጽ እረፍት ነሳኝ። “ የበላይ አለ አይደለም እንዴ! ” በማለት ቀጥታ ወደ ሚካኤል ቤተ ክርስቴያን በመሄድ ጸሎት አደርስኩና፥ ከውሰድኩት ገንዘብ ላይ ቆንጥሪ የምፅዋት ሙዳይ ላይ በማኖር መፅለዬን ቀጠልኩ።

“ እንግዴህ ሚካኤል……..እኔን የሚወጋ ከሆነ፤አንተን አልፎ ይምጣ! ” አልኩ-- በመኩራራት።

…………………………….በዛን ሰሞን የአባባ ታምራት ነገር የከተማው መወያያ በነበረ ጊዜ፤ የሰፈር ልጆች ጋር ደውዬ ስለሁኔታው ስጠይቅ፥ ከሚሄዱት ታላላቅ ሰዎች መሃከል አንዱ ጋሽ ገቢ ነው ተብሎ እንደሚታማ ነገሩኝ። በሌላ ጊዜ ለሱ ደውዬለት ስለሚታመው ነገር ባነሳበት፥ የተለመደ ስድቡን አስቀድሞ…… “ እናታቸውን ል…….።ስሜን ሲያጠፉ ነው።………ይሄ ሁሉ ገቢ ለምን አለፈለት ብለው ተቃጥለው ነው። አንጀታቸው ይቃጠል….እኔ እንደሆነ ካለአንድ መድሃኔዓለም የማውቀው የለኝም!! ” ብሎ ተገዘተ።

እንዳልኩት የጋሽ ገቢ ታሪክ መጨረሻ የለውም። አንድ ቀን የቀረውን እንመለስበት ይሆናል።

የሆኖ ሆኖ፤ እኔ ግን እግዜር ከፈቀደ በሚቀጥለው መስከረም አዲስ አበባ ለመሄድ ቀጠሮ ይዣለሁ። ያኔ በመጀመሪያ ላያቸው ከምፈልጋቸው ሰዎች መሃከል ጋሽ ገቢ አንዱ መሆን አለበት። መቼም ገና እንዳየኝ “ እናትን ል…..አንተ! ደግሞ መጣህ!? ” ብሎ በአድናቆት ሲያቅፈኝ ይታየኛል።

እግዜር ለዛ ያብቃን።


01/31/2010 04:43 AM
ማንኛውንም ገጽ ስለ ማዘጋጀት ወይም ስለ ማስተካከል ሌላ ጠቃሚ መረጃ በማዘጋጀት ዕርዳታው ገጽ ላይ ይገኛል።
* 1 በፊደል ማቀነባበር በቀላሉ!
o 1.1 ራሱ ገጹ ላይ የተገጠመው ዘዴ
+ 1.1.1 ኢትዮፒክ ሴራ
o 1.2 በ ሲስተም ደረጃ የሚሰሩ የጽሁፍ ረዳት ሶፍትዌሮች (virtual keyboards)
+ 1.2.1 ግእዝ ሀበነ
+ 1.2.2 ፋየር ፎክስ እና አኒኪ
+ 1.2.3 washra - ዋሽራ
+ 1.2.4 Tavultsoft keyman
o 1.3 Unigeez
o 1.4 ጃቫ (java)
o 1.5 የሚሽጡ
o 1.6 ፈጣን ዘዴ:-
The Ethiopic Unicode Resource Page
Ethiopic Publishing in Unicode (UTF-8)
Abyssinia Cyberspace Gateway
EthioIndex
Ethiopian News Headlines

Keyboards
UniGeez
Keyman 5.0

* Amharic
* Tigrigna.ER
* Tigrigna.ET

Fonts
TrueType
Code 2000: http://home.att.net/~jameskass/CODE2000.ZIP
Ethiopia Jiret: http://www.senamirmir.com/download/jiret.zip
GF Zemen: ftp://ftp.ethiopic.org/pub/fonts/TrueType/gfzemenu.ttf
Titus Cyberbit: http://titus.fkidg1.uni-frankfurt.de/unicode/tituut.asp
Visual Ge'ez: http://www.custorc.com/downloads/VGNSetup.EXE

X11 BDF Extend Fonts with 412 Characters
The UCS Collection
Last Resort Font
ethiomx12-uni.bdf (Medium Proportional Width)
ethiomx16f-uni.bdf (Medium Fixed Width)
ethiomx10d300-uni.bdf (Proportional Width for PostScript With Mule)

Linux Console Fonts
An assortment of typefaces for Linux 1.3.0 and later UTF-8 console support.

Ethiopic Character Data
Ethiopic Numerals (with conversion algorithm)
Ethiopic Collation
Ethiopic Entities (DTD)
Sylalbic Data (IPA and Character Classes)
Character Class Essay

The Ethiopic Matrix
Matrix Info at Unicode Headquarters (PDF)
Matrix In Postscript
Matrix GIF File
Ethiopic Braille
Matrix in UTF-8
Matrix in SERA Transliteration
Entity Matrix

An Assortment of Unicode Proposals for Ethiopic
UTC-95-055A Compliant Proposal of Firdyiwek, Fisseha & Yacob May 28, 1996

UTC-95-055A Proposal of Becker et.al. December 9,1995 [Not Yet On Line!]

Final Proposal of Firdyiwek, Fisseha, & Yacob October 8, 1995

Joe Becker's Revision of the August 1993 Proposal

The Original CSES Proposal August, 1993

Lloyd Anderson Adjustment to UTC/1991-026 February 21, 1992

Joesph Becker's First Proposal

Miscellaneous Info On Ethiopic
Ethiopic Input Methods Multilingual Emacs and Ethiopic
7-Bit Transcription for Ethiopic
History of the Fidel
Additional History by Yohannes Negase-Sium
Gif of Fidel Evolution
Yudit
Fidel Resource Page
Unix Fortunes
ftp.ethiopic.org Ethiopic Software ftp Archive

01/29/2010 03:55 AM
ሀገርኛ ብሂሎች
- ከሞተ ሰው ያለቀ ጫማ ይሻላል /ሱማሌያውያን/
- በምናቀላፋበት ሰዓት 8ሚ.ሜ ( 0.3 ኢንች ) የማደግ ያህል ቁመት እንጨምራለን። በቀጣዩ ቀን ስንነቃ ግን ወደነበርንበት ቁመት ቀንሶ እንመለሳለን። ይህ የሆነው ልክ እንደ ስፕንጅ የሚጨመቀው ካርቴሌጅ ደስክ ስንቆም ወይም ስንቀምውጥ በግራቭኢቲ ትፅዕኖ ስለሚደርስበት ነው።
አክመል ሺፋ ከነቀምት
- ሰይጣን አቅም ሲያንሰው ሴትን ይልካል /ሞስኮብያዊያን/
- የልጃገረድ አባት ምንጊዜም እረኛ ነው
/ፈረንሳዮች/
- ወንድ ሲያፈቅር ይታወራል፡፡ ሴት ግን አጨንቁራም ቢሆን ማየቷ አይቀርም
/ግብፃዊያን/

- ገንዘብ ካለህ ሲኦል ውስጥ ጭማቂ ትጠጣለህ /ሊባኖስ/
- ወንዶች ሴቶችን የሚያፈቅሩትን ያህል ሰማያዊውን ዓለም ቢያፈቅሩ ኖሮ መላዕክት በሆኑ ነበር /ፈረንሳዮች/
- ለሴት ልጅ ቁንጅናዋን አንድ ጊዜ ንገራት ሰይጣን ደግሞ አስር ጊዜ ይደጋግምላታል
/ጣልያናዊያን/መስፍን ንጉሤ ከአዲስ አበባ

- ነጻ ልብ ረጂም እድሜ ትኖራለች.../አየርላድ/
- ገንዘብ ምርጥ አገልጋይ ነው ... /ህንዳውያን/
- ትዕግስት የሌለው በአጠቃላይ ምንም ነገር የለውም.../ጣሊያናውያን/
- ዝምታ በጥበብ ዙሪያ ያለ አጥር ነው.../ሃይቲዎች/
- ጆሮ ወደ ልብ የሚወስድ መንገድ ነው .../ፈረንሣውያን/
- ሁልጊዜ ማለት የሌለብህን ነገር ባለማለትህ ታሸንፋለህ.../ቻይናውያን/
- ፍላጎት እቅድን ያስተምራል.../አየርላንዳውያን/

ሄኖክ ሀብቴ ከቤቴ

ስህተትን መጠቆም እንጂ አሻሽሎ መሥራት አይክበድህ /ፕሎታሽ/

- መማርን ያቆመ መምህር የማስተማር መብት የለውም /ፔስታሎዚ-ጀርመናዊ/

- ሕይወት ሽንኩት ናት ከላይ ሲላጥላት ታስለቅሳለች /ሰንበርግ/

-- አሉባልታ ማለት ሁለትና ሁለትን ደምሮ አምስት ማድረግ ነው /ፓስካል/



01/29/2010 03:39 AM
ከእንሳት ዓለም

- የቅጭኔ ምላስ 2 ጫማ ( 2ፊት) ያህል ርዝመት እንዳላት ያውቃሉ።
- አዞ በሚመገብበት ወቅት ያለቅሳል።
- አብዛኞቹ እንሳት አንድ ልብ ብቻ አላቸው።
- ግመል የሐሞት ከረጢት የላትም።
- አቦ ሸማኔ በፍጥነቱ ተወዳዳሪ የሌሎው እንስሳት ነው።
- ጉማሬ የደስደስ ስሜት ሲሰማው ቀይ ላብ ያመነጫል።
- ታይላንድ ውስጥ የሚወለዱ ድመቶች ሁሉ ነጭ ናቸው።
- ሰማያዊ አሳ ነባሪ /ዌል/ በቀን 30 ኩንታል ወይም 3000 ኪ.ግ ምግብ መብላት ይሽላል። በሌላ በኩል ያለ ምግብ ለስድስት ወር መቆየት ይሽላል።



01/29/2010 03:33 AM
ቁጥሮች
- የኢትዮዽያ ህዝብ ብዛት - 77፣127 ሺህ
- ወንድ ኢትዮዽያዊ - 38፣644 ሺህ
- ሴት ኢትዮዽያውያን - 38፣483ሺህ
- የአዲስ አበባ ህዝብ ብዛት - 3973 ሺህ
- የአዲስ አበባ ወንዶች ብዛት - 1928
- የአዲስ አበባ ሴቶች ብዛት - 2045

የህዝብ ብዛት በክልል

- ትግራይ - 4 ሚሊዮን 449 ሺህ
- አፋር - 1 ሚሊዮን 418 ሺህ
- አማራ - 19 ሚሊዮን 262 ሺህ
- ኦሮምያ -27 ሚሊዮን 304 ሺህ
- ሶማልያ - 4 ሚሊዮን 444 ሺህ
- ቤንሻንጉል ጉሙዝ - 640 ሺህ
- ደቡብ ክልል - 15 ሚሊዮን 21 ሺህ
- ጋምቤላ - 253 ሺህ
- ሐረር - 203 ሺህ
-አዲስ አበባ 3 ሚሊዮን 973 ሺህ
- ድሪዳዋ 412 ሺህ
ምንጭ ማእከላዊ ስታቲክስ ባለስልጣን 2001ዓ.ም ከቁምነገር

01/29/2010 03:21 AM
ይህን ያውቁ ኖሯል

- አንድ ጤናማ ጉርሻን ለመዋጥ ከ 8 እስከ 12 ሴኮንዶች ይፈጃል። ይህም ከአፍ እስከ
ጨጓራ እስኪደርስ የሚወስደው ጊዜ ማለት ነው።
- የሴት ልጅ ልብ ከወንድ ልብ በበለጠ በፍጥነት እንደሚመታ ያውቃሉ።
- ወንድ ልጅ በአንድ ግብረ ስጋ ግንኝነት ጊዜ 30 ደቂቃ ሊያስሮጠው የሚችል ካሎሪ ያወጣል::


01/29/2010 03:19 AM
''' ከመጽሐፍት ዓለም'''

- ማመን ያለብህ ሰዎች ያሉትን ሳይሆን የሚያደርጉትን ነው፡፡
-የሕይወት መሰረት ፍቅር የሚታይበት ወሳኝ አካል እናት ናት፡፡
- ትክክለኛ ሰው ከሚያማ ይጠይቃል ከሚጠረጥር ይነግራል፡፡
- እውነት ሊለጠጥ እንጂ ሊሰበር አይችልም፡፡
- ተናግረህ ማሳመን ካልቻልክ ባትናገር ይሻላል; ምክንያቱም የአንተ ንግግር ተራና ውዳቂ ነውና፡፡
ብልሆች የሚነበቡ ነገሮችን በማንበብ መለወጥ ይቻላል ብለው ያምናሉ። ጅሎች ደግሞ አንባብያንን እያጣጣሉ ወደ መጥፎ ጎዳና ያመራሉ።
-ትልቅ ሰው ለአቦታቾቹ የሚያሳየው ከብሬታ ትልቅነቱን ያሥያል።
• ሰውን በመልኩ መጽሀፍን በሽፋኑ ታይቶ አይጠላም

• ትዕግስት መራራ ናት ፍሬዋ ግን ጣፋጭ ነው
. ብታጣም ብታገኝም የማትርቅህ እናትህ ብቻ ናት! እና ሁላችን እናታችን እናክብር::
• ወደፊት በተጓዝክ ቁጥር ወደኋላ አስብ
- ፍቅር ከስራ ጋር እንጂ ብቻውን አያምርም
- ወንዶች ሁሉ ባሎች አይደሉም
- ፍቅር የሰዎች ፍጹምነት ይታይበታል
- ሕሊና ያለ ራሱ የሚፈራው ዳኛ የለም
- የሰውን ስሜት ካላዳመጥክ እውነተኛውን ነገር መወያየት አትችልም


01/29/2010 03:14 AM
ከታላቆቹ አንደበት

- ታላቅ ፈላስፋ አርስቶትል በአንድ ወቅት እዲህ የሚል ጥያቄ ቅርቦለት ነበር"።በተማረና ባልተማረ ሰው መካከል ያለው ልዩነት ምን ያህል ይራራቃል? እርሱም ሲመልስ ይህ ልዩነት በሕይውት በቆመና በሞተ ሰው መካከል ካለው ልቱነት ጋር ተመሳሳይ ነው በማለት ነበር የመለሰው። ታድያ ያልተማርን ምን እየጠበቅን ነው።


01/29/2010 03:12 AM
በሕይወታችን
- በጣም አላስፈላጊ ነገር- ጭንቀት
- ትልቁ ደስታ - መስጠት
- ትልቁ ኪሳራ - ራስህን አለማክበር
- ትልቁ አስደሳች ስራ - ሌሎችን መርዳት
- ትልቁ የስብዕና ቀውስ - ራስ ወዳድነት
- ትልቁ የእንቅልፍ መድሃኒት - የህሊና ሰላም
- ትልቁ አብሮ የመኖር ጥፋት - ሃሜት
- ትልቁ የመኖር ስንቅ - ተስፋ
- ትልቁ ድምፅ አልባ መሳርያ - ምላስ
- ትልቁ የህመምን የመፈወሻ ስልት - ይቅርታ
- ትልቁ የሕይወት ሃይል - ፍቅር ናቸው።

01/29/2010 01:54 AM
''' ምርጥ አባባሎች'''
''' ምርጥ አባባሎች'''
- የማያውቅ ማወቅንም የሚያውቅ ምሁር ነውና ተከተለው
- ለገዛ ራስህ ክቡር ዓላማዎች ታምኝ ሁን።
- የትምህርት ሁሉ ዓላማና ግብ ስብዕናን ማዳበር ነው።
- ማለዳ ስንነሳ ልብ እንበል? ከሐብት ሁሉ የሚልቁት 24 ሳዓታት የኛ ናቸው።
- ምንም ሳንሰራ ከምናሳልፈው ህይወት ስህተት እየሰራን የምንገፋው ህይወት የተሻለ ነው።
- የያውን ሁሉ ለመያዝ የሚሞክር አንድ ቀን እባብ ጨብጦ ይነደፋል።
- የቁም ነገር ጫፍ የሚባለው ሩቅ ያለውን መመልከት ሳይሆን በእጁ ያለውን መስራት ነው።-
- ስህተቱን ሲያውቅ ጩቤ የማይረግጥ ምሁር ምሁር ሊባል አይችልም።
- ነፃነት ስህተት የመሥራት መብትን ካላካተተ መኖር ፋይዳ የለውም።
- ሲጋራ በአካል ውስጥ የሚጓዝ የጫካ ውስት እሳት ነው።
- በዓለም ከፍተኛ መራራ ነገር ቢኖር ራዕይ አባል ሆኖ መፈጠር ነው።
- ባልና ሚስት በጋራ የሚተነፍስ ሳንባ ባይነራቸውም በጋራ የሚጓዝ የትዳር ሰንሰለት አላቸው።
- በዓለም ትልቁ ውርደት ከመስራት የሰው እጅ ማየት ነው።
- በአንድ ዛፍ የሚዘሉ ጉሬዛና ጦጣ አብረው ቢውሉም ተቃቅፈው አይተኙም።
- በኢላማህ የማትተማመን ከሆንክ ወደ ነብር አትተኩስ።
- በዛሬ ደስታ ብቻ የሚፈነድቁ ሰዎች ውብ አበባ ከተቀጠፈ መጠውለጉን የሚዘነጉ ናቸው።
- በፍቅር የተነሳ ልብ በፍቅር ይሰክናል።
- ብርቱካን መጨመቁን ቢያውቅ ውሃ አይዝልም ነበር።
- ብቃት የሚመጣው በውጥረት ሳይሆን በተግባር ምጥቀት ነው።
- ለማመን እንጂ ላለማመን ምክንያት አያስፈልግም::
- መልከመልካም ሴት ባየህ ጊዜ ተፈጥሮን አድንቅ እንጂ የዝሙትን መንፈስ አይሰማህ' ዝሙት ከደካማ መንፈስ የሚመንጭ ነው።
- እያንዳንዱ ይሕይወት ቀን ወደ ሞት የሚያደርስ ደረጃ ነው።
- ወደ ፊት የምንራመድ ከሆነ ታሪክን መድገም ብቻ ሳይሆን አዲስ ታሪክ መፍጠር አለብን።/መሀተመ ጋንዲ/

01/29/2010 01:29 AM
እኔን
እኔን
- ከምትንቀኝ - አስተምረኝ
- ከምትጠረጥረኝ - ጠይቀኝ
- ከምትሰድበኝ - ምከረኝ
- ከምታማኝ - ፊት ለፊት ጠይቀኝ
- ከተሳሳትኩ - አርመኝ
- ከረሳሁኝ - አስታውሰኝ

01/28/2010 07:27 AM
ሰው ልጅ በአማካን በአንድ ቀን ውስጥ
- የልብ ምት -103፣680 ጊዜ
- የደሙ ዝውውር -168.000.000. ማይልስ
- የሚተነፍሰው - 23.000ጊዜ
- የሚበላው የምግብ መጠን- 3 ፓውንድ ከሩብ
- ከሰውነቱ የሚውጣው የቆሻሻ መጠን- 78 ፓውንድ
- በእ ንቅልፍ የሚገላበጠው ከ 25 - 35 ጊዜ
- የሚያደርገው የንግግር መጠን ቢያንስ 4.800 ቃላት
- በእንቅስቃሴ የሚጠቀመው - 750 ዋና ዋና ጡንቻዎች
- የጥፍሩ እድገት - 0.000046 ኢንች
- የፀጉሩ እድገት - 0.01714 ኢንች መሆኑን ያውቃሉ? ካላወቁ ይወቁ!
ምንጭ ከቁምነገር መፅሔት የመስገን ወርቁነህ (ከዳግላስ) በ ግርማይ ረዳ


01/28/2010 07:25 AM
ማር ለጤና
ማር ለጤና

ማር በሺ የሚቆጠሩ ንቦች ለሰው ልጅ የሚያበረክቱት ሥጦታ ነው፡፡ ንቦች ከአያሌ አበቦች፣ ዛፎችና ሌሎች ተክሎች የቀሰሙትን ኔክታር በመቀመም ወደ ማር ይለውጡታል፡፡ ማር ማዕድናትን የተለያዩ ስኳሮችን እንዲሁም የብረት፣ የመዳብ የማንጋኒዝ፣ የፖታሺየም፣ የሶዲየም፣ የፎስፈረስ፣ የፕሮቲንና የቫይታሚን ርዝራዦች ያካብታል፡፡ ማር ለጤና በእጅጉ ጠቃሚ ነው፡፡

- አእምሮን ያጎለብታል
- ተውሳክን ከአንጀት ውስጥ ያራግፋል
- ድርቀትን ለማስወገድ ይረዳል
በጥዋት አንድ የሾርባ ማንኪያ ማር ቀምሰው ወደ ሥራዎ ይሰማሩ ሙሉ ቀን የደስታ ስሜት ያገኛሉ፡፡
ምን ግዜም ጥቅም ላይ ማዋል ያለብዎት ንፁሁን ማር ብቻ ይሁን ከገበያ የሚሸምቱት አልባሌ ማር ተጨማሪ የጤና ችግርን ከመፍጠር ባሻገር የሚፈይደው ነገር የለም፡፡
ንፁህ ማር ውሀ- 9 በመቶ፣ የፍራፍሬ ስኳር- 20 በመቶ፣ የወይን ስኳር- 15 በመቶ፣ ስኳር- 41 በመቶ፣ ማዕድናት- 10 በመቶ እና ሌሎች 5 በመቶ ይይዛል፡

ምንጭ፡- አዲስ ዘመን



01/28/2010 07:24 AM
ከመጽሐፍት ገጾች

ከመጽሐፍት ገጾች
- ሕይወት ባለብዙ አቅጣጫ ስለሆነች በአንድ መንገድ ብቻ አይተህ ተስፋ አትቁረጥ።
- ሕይወትና ፍላጎት እንደ ተቆራኙ ወፎች ናቸው፤ ተያይዘው ይበራሉ። አንዱ እስካለ ሌላው ይኖራል።
- ሕይወት ጣፋጭነትንም ሆነ ጎምዛዛነቷ የሚታወቀው ቀምሰን ስናጣጥመው ብቻ ነው፡፡
- በችግራችን ጊዜ ችግራችን ለመውጣት የማይገባ ግን ስለ ስራ አንድ አዲስ እና ነገርን እንፈጥራለን።
- ለአመንው ለአቀድነው ነገር ህወታችንን መስዋት ማድረግ አስቸጋሪ አይሆንም፡፡
- በሕይወታችን የአንድ ደቂቃ ትዕግስት ማጣት የዘላለም ጸጸት ያስከትላል።/ ከአድማስ ባሻገር/


01/28/2010 07:22 AM
ይህን ያውቁ ኖሯል
ይህን ያውቁ ኖሯል
- አንድ ጤናማ ጉርሻን ለመዋጥ ከ 8 እስከ 12 ሴኮንዶች ይፈጃል። ይህም ከአፍ እስከ
ጨጓራ እስኪደርስ የሚወስደው ጊዜ ማለት ነው።
- የሴት ልጅ ልብ ከወንድ ልብ በበለጠ በፍጥነት እንደሚመታ ያውቃሉ።
- ወንድ ልጅ በአንድ ግብረ ስጋ ግንኝነት ጊዜ 30 ደቂቃ ሊያስሮጠው የሚችል ካሎሪ ያወጣል::
ምንጭ ካነበብክት መዲካል ጋዜጣ


01/28/2010 07:21 AM
ምክሮች
ምክሮች
- የግል ፍላጎትህ ለማርካት ትንሽ የሂወት ጠብታ ለምቅመስ ስትል የሌላውን ሕይወት መስኖ መድፈንና ዙርያውን ገደል እዲሆን ማድረግ የለብህም።
-ባልባሌ ቦታ ጊዜህን ማሳለፍ ተፈጥሮን እንደ መቃወም ይቆጠራል።
- እውነተኛ ጓደኝነት ጠንካራ የግኝነት ድልድይ መሆኑን ተገንዝበን እውነተኛ ለመሆን መጣር አለብን።
- ለሕይወትህ መሰረት ስራ ይኑርህ።


01/28/2010 05:28 AM
10 የስኬታማ ኢንተርፕርነሮች ችሎታዎች
10 የስኬታማ ኢንተርፕርነሮች ችሎታዎች
- የግል ዓላማ መኖር
- የትጠና ኃላፊነት ደፍሮ መውሰድ
- መልካም አጋጣሚዎች ማፈላለግና የግል ተነስሽነት
- ጽናት
- ቃል መጠበቅ
- ውጤታማነትና የጥራት ፍላጎት
- መረጃ መፈለግ
- ሌሎችን ማሳመንና ጥሩ ግንኝነት መፍጠር
- የግል ንፃነትና በራስ መተማመን
- ስለታዊ እቅድና ክትትል
ደ/ር ወሮታው በዛብህ ከ መዲካል ጋዜጣ የተወሰደ

01/28/2010 05:24 AM
ከመጽሐፍት ገጾች
ከመጽሐፍት ገጾች
- ሕይወት ባለብዙ አቅጣጫ ስለሆነች በአንድ መንገድ ብቻ አይተህ ተስፋ አትቁረጥ።
- ሕይወትና ፍላጎት እንደ ተቆራኙ ወፎች ናቸው፤ ተያይዘው ይበራሉ። አንዱ እስካለ ሌላው ይኖራል።
- ሕይወት ጣፋጭነትንም ሆነ ጎምዛዛነቷ የሚታወቀው ቀምሰን ስናጣጥመው ብቻ ነው፡፡
- በችግራችን ጊዜ ችግራችን ለመውጣት የማይገባ ግን ስለ ስራ አንድ አዲስ እና ነገርን እንፈጥራለን።
- ለአመንው ለአቀድነው ነገር ህወታችንን መስዋት ማድረግ አስቸጋሪ አይሆንም፡፡
- በሕይወታችን የአንድ ደቂቃ ትዕግስት ማጣት የዘላለም ጸጸት ያስከትላል።/ ከአድማስ ባሻገር/

Special Directory